[transporter]

المشاركة الأصلية كتبت بواسطة A7MED NASSER أغبى أعلان في قنوات التلفزيون !!! -------------------------- ********** اشترى كمبيوتر مزود بماوس ! . لا يا رااااجل !!! . وكمان كيبورد ! . لا لا اكيد بتهزر . والمفاجأة :- مشغل اسطوانات . ليه تاعب نفسك انا بلف السيدي بإيدي . و كمان رامات 64 . ماشاء الله، على أساس ان وانا بلعب نيد فور سبيد انزل ازق العربيه أنا احسن فى اللعبة !!! . ومعااه 2 سماعه هديه ده علي اساس ان ايدي فيها صب مجسم . ومعااه هااااارد عشششرررررييييييين جيجا كل دي مساحه و الله ما عارف اقولك ايه . روح ربنا (------) A7MED NASSER MASR MOTORS

بسم الله الرحمن الرحيم
طيب وانت عايز إيه أكتر وأحسن من كدة يا أستاذ أحمد يا إبن عم الحج ناصر_ ولا هي فراغة عين وخلاص_ دة انت لما هتشتري حهاز زي دة وبالسعر دة!!!!! تبقي ضحكت علي الشركة المعلنة....
إسالني لييييييه؟ أناهقولك...لأن دة جهاز تحفة...شوف بقة التحف بتتباع بكام؟؟؟
هو فعلا" هيكون بطيء شويتيييييييييين وانت تحاول اللحاق بعالم الإنترنت وهتكون زي واحد صاحبي إتسحبت منه الرخص وخد مخالفة رادار لما إتصور علي الصحراوي وهو سايق عربيته الأأأأأأر الملقبة بالقردة علي سرعة 200 كم ساعة...هتسألني إزاي ؟؟ أنا هقولك...أصل الحكاية إته كان مسافر بأولاده إسكندرية لأانهم طول السنة كانوا بيحوشوا من مصروفهم عشان يقنعوا بابا إنه يوديهم المصيف بس القردة إتعطلت ووقعوا في حيص بيص...وفجأة عدت عربيتين _واحدة مرسيدس إس 600_والتانية بي إم 750_ راكبهم إتنين من ولاد اللي سرقونا ونهبونا...صاحبي شاورلهم فوقفولوا شرحلهم ظروفه وأمنية الأولاد وطلب منهم يقطروا عربيته لحد إسكندرية_ خدوا جنب شوية ووشوشوا بعض وبعدين واحد منهم وافق وطلعوا يكملوا علي إسكندرية وإبتدت السرعات تزززززيد لحد ما الردار صورهم والكمين بعد 2كم وقفهم...والباشا صمم يسحب رخص أبوا العيال ويدفعوا الغرامة...والمسكين بدوره حاول يفهم الباشا إنه ملوووش ذنب والباشا مخه جزمة أديمة!!!!! ليييييه؟؟؟ لأنه لما سأل ولاد الحرامية وبكل أدب وإحترام عن سبب السرعة الزايدة؟ قالولوا إن واحد منهم راهن التاني إنه ممكن يسبقُه لإسكندرية حتي وهو قاطر عربية المسكين أبو العيال وراااه(طبعا"صاحبي كان فاكر إنهم طيبيين وبيساعدوه) ولما سأل الباشا إنت ليه مصمم تسحب الرخص وتغرمني الفلوس اللي الأولاد محوشينها عشان يصيفوا؟؟؟ مع إنك مخالفتش ولاد اللصوص الأتنين؟؟؟
كان الرد إن دوول أسيادك وأسيادي وأنا يدوب غفيرعند أبائهم بحميهم من الأوباش اللي زيك...وهما راكبين مرسيدس وبي إم_والبلد بلدهم ومن حقهم يتسابقوا زي ما هما عايزين_وانا بسحب رخصك (يابن التربتتيييييت عشان انت راكب عربية قردة وبتحاول تحصلهم) ودي تبقي إسمها فوضي والبلد مستهدفة ومش ناقصة ولو سيبنا أمثالك يصيفوا ويزاحموا ولاد الناس في الشواطيء_يبقي بناتهم ونسوانهم هيلبسوا إزاي المايوهات البكيني الفتلة وانت وأمثالك من أحاد الشعب تبصوا عليهم بدون حياء أو أدب_ودول أجساد حريمهم ما تتكشفش أبدا" إلا علي رجالة من نفس الوسط والمستوي الإجتماعي!!!!!!:CHUBBY~36 :
طبقوا دة علي محاولات سرقة وإجهاض الثورة وانتوا تفهموا وجهة نظر الباشا _والمجلس الأعلي للبشاوات.