علشان خاطر ب ربنا بلاش نعقد بعض اللى معاه عربية ربنا يباركلوا فيها هيشوف انها الأفضل يخلى رأيه لنفسه ممكن ينصح حد لسة عاوز يشترى لكن ميعقدش واحد اشترى فعلا .. انا تعبت قوى علشان استقر على نوع عربيتى وكان لى اسباب مقنعة بالنسبة لى يعنى انها اول عربية واكيد هبوظ فيها كتير ولان قطع غيارها رخيصة وصيانتها سهلة وكمان منتشرة وكده يعنى ووالله كل هدفى كان عربية تصونى من بهدلة المواصلات ييجى بقى حد دلوقتى هيجيب لوجان يقعد يكرهنى فى عربيتى ويعمل مقارنات وكده انا مالى انا يعقدونى ليه ويضايقونى من العربية مع انى شايفة انها حلوة ..
فياريت بالله عليكوا بجد محدش يقعد ينقض فى عربية غيره قوله الله يبارك لك فيها ويحتفظ برأيه لنفسه انا بعمل كده والله
وعلى العموم انا بحب عربيتى ومش مهتمة دلوقتى
