[amrmaismail]

المشاركة الأصلية كتبت بواسطة mostafa.riyad الف الف شكر يا استاذ عمرو الله يكرمك معلمات مفيده جدا معنى كلامك ان تركيبه سهل ومش هيأثر على وظائف التابلوه ؟ تركيبه مش سهل ..... انت بتفك الوشوش الخارجيه كلها اللي بكلبسات وتفك دراج التابلوه وتفك الكاسيت والطاره وزرار المرايه الكهربا وزراير االتكييف ودرعات الاشارات والعدادات وتشيل فلتر التكييف وتفك البلاور بتاع التكييف وبعدين هيتبقي قدامك جسم التابلوه الكبير هتفك المسمارين اللي فالجناب وهتتخيل انك كدا خلاص تشيله هيطلع معاك هتلاقيه لسه راكب ولا كانك فكيت حاجة تطلع برا العربيه تفك المسحات وتفك الجريده اللي تحتهم هتلاقي مكنة المساحات وفيه ٣ صواميل ماسكة في ٣ مسامير كبار جايين من الكابينة هما دول اللي ماسكين التابلوه ببساطه هتفكهم هيطلع التابلوه معاك طبعا ده هياخد منك نهار كامل وكل المسامير اللي في سكتك الن نجمه والسعر ده التابلوه بالعدادات ولا من غيرها السعر دا التابلوه بكل الزراير والهوايات والعدادت والطاره وانت وشطارتك لكن طبعا بدون الكاسيت وزراير التكييف والجزء اللي فيه دراع الفيتيس والتركيب هايكلف كام لو انامركبتوش بنفسى؟؟ انا بحب اصلح اى حاجه بنفسى وانت شكلك هاتقومها فى دماغى انى اشتريه واركبه بنفسى . بالشغل اللي قلتلك عليه دا مش اقل من ٢٠٠ جنيه وممكن اوي تركبه بنفسك لو انت شاطر( يعني هو الصنايعي هيعمل ايه زياده ) واحسن مكان اشتري منه فين يكون عنده كذا حته اقدر انقى اللى يعجبنى احسن مكان يبقي الحرفيين في القاهرة ( اصل انا من اسكندريه ) او من بورسعيد ويبقي ارخص وتسلم انك عرفتنى على موضوع زراير الزجاج الخلفى ده لانى ناوى فعلا اعمل زجاج كهربا خلفى تمام يبقي ما تنساش تجيب الزرارين اللي ورا كمان ودول بيركبوا فوق الطفايه الخلفيه وبالمناسبه انا عندى طاقم أربعة ابواب كاملين بتوع عربيتى اللى بعتها ال ZX هل يمكن استخدام ماكينة الزجاج الامامى لل ZX للاكسارا البابين اللى ورا ؟؟ مش عارف الصراحة بس مافيش مانع انك تجرب واخيرا الف شكر على ذوقك

علي ايه بس الشكر لله
بس لو عايز رايي ما تشتريش كل التابلوه
اشتري اللي ناقصك بس
والعدادات اللي بتيجي من بره بتكون مختلفه شويه وفي اخ هنا فالمنتدي كان قاللي انها بتحتاج تقسيمه كهربا تانيه لاختلاف الفيش او حاجة مش عارف اوي الصراحة
لكن انت ممكن تعرفها بسهولة ببساطه العدادات بتاعت عربيتك فيها زرارين وبتاعت برا زرار واحد ( الزرار اللي بيعلي ويوطي نور التابلوه مش موجود )
كمان تابلوه برا فيه الدرج العلوي اللي عاليمين مابيكونش درج بيبقي اير باج والطاره كمان فيها اير باج

وتحت امرك في اي استفسار