المشاركة الأصلية كتبت بواسطة مادا
[SIZE="4"]مش عجبكم المجلس العسكرى قالك اعملوا استفتاء شعبى وشيلوا ايعمل ايه تانى .. زيادة مرتبات المشير ملوش فيها عداله اجتماعيه كلمكم هى اللى ماشيه فلان يرحل حاضر فلان خائن حاضر عاوزين شرف ماشى مش عاوزين شرف ماشى .. الفقر بقاله سنين فى مصر ومش بايد المشير فى يعمل حاجه وكمان حضرتكم عمالين تدعو للاعتصامات وعدم العمل ومظاهرات وكل ده اكيد بيضر الاقتصاد اتقول فقر من انتم سبب اساسى فيه .ومن الاخر المجلس العسكرى ده مجلس انتقالى والرئيس القادم يونيو 2012 ابقوا قولوا للرئيس الجديد اللى انتم عاوزينه حرية عداله اجتماعي[/SIZE]ة
|
السلام عليكم
اهم حاجة .. ان حضرتك متشلش من اخواتك الى فى ميدان التحرير الى ليهم راى تانى غير رايك ..
الناس عاوزين يوقفوا حال البلد .... ممكن
عاوزين عدم الاستقرار ..... احتمال
مش عاجبهم المشير ...... باين كدة
بس اهم حاجة انهم اخواتك و اخواتى بس هم مختلفين فى الراى ....
اما عن خطاب السيد المشير ..... فهو نفس خطاب السيد حسنى مبارك
حضرتك لو رجعت لاحداث الثورة فى فبراير حتلاقى تطابق كبير
1- الاستفتاء الشعبى الى بيتكلم عليه المشير و هو عارف انه حيكسبوا اكيد
2-فلان يرحل ده مكانش بيحصل الا بضغط شعبى من المليونيات ... زى احمد شفيق
3-الناس بيدعو لاعتصامات فى التحرير فعلا ... بس محدش دعا لتوقف العمل ... حضرتك حتقول ماهو الاعتصام يعنى التوقف عن العمل ...... لو حضرتك راجعت الاعتصام الى كان فى فبراير الى فات حتلاقى الناس كانت بتظبط الى بيشتغل و الى بيعتصم من نفس مكان العمل
4- الاقتصاد باظ و وقف عجلة الانتاج ..... اصدقاء السوء اصدقائى سئلونى ... ازاى الاقتصاد بايظ و الشرطة بتستخدم الغازات المسيلة للدموع بالكثافة دى .. مع العلم ان فيه ظباط قالوا ان مخزون الداخلية من الغازات المسيلة للدموع نفذ من احداث يناير الى فات جابوا من فين الكلام ده
5-المشير قال انه مش عاوز الحكم و ناوى يسيب السلطة .... اعتقد ده كان نفس كلام مبارك