[فادي مكرم]

المشاركة الأصلية كتبت بواسطة corsair يا عم فادي ده انتا تحمد ربنا انها بتيجي علي قد لمبه احنا عندنا في العمارة اتسرقت طفايات الحريق اللي في العماره كلها وحنافيات الحريق كمان ده غير كمية اللمبات اللي اتسرقت وأوكر الباب الحليه بتاعت الباب اللي بيبقي غالبا لونها دهبي ده انتا لو جيت عندنا هتشوف العجب

الحمد لله مكتوبلي اشوف فعلا
الكاسيت اتسرق من العربية امبارح ومش متفائل

المشاركة الأصلية كتبت بواسطة mesho70 - لو شاءت الظروف وقابلتك هديلك لمبة فلورسنت 60 سم - عملتلها طريقة مش ممكن حد يقدر يفك اللمبة ويسرقها

انا عندى شوية افكار برضه بس احب اتعرف على فكرتك

المشاركة الأصلية كتبت بواسطة dr.wael7yran استاذ فادي الحمد لله ربنا ستر .. و انت بتفترض انه فيه حرامي و بيراقب و بيخطط و كده .. الكلام ده كان زمان .. لما كان الحرامي اسمه هجام .. و كان بيراقب و يخطط و ينزل يلدع اللدعة بس التمام .. للاسف الايام دي موش كده خالص .. كلهم عيال شمامين ضاربين دماغ موش عارفين دماغهم مودياهم فين .. و علشان كده ممكن يجيي يسرق في نفس المكان تاني ( شيئ كان لا يمكن هجام محترف يعمله ) و علشان كده بنسمع كتير عن واحد بيقتل واحد علشان 100 جنيه و 200 جنيه و الكلام الفاضي ده .. لأنهم بيبقوا مساطيل .. و لو اضرب علقة موت موش هيحس بأي حاجة .. فلو شفت الحرامي ده بلاش بطولة و يا تكلم جيرانك بالراحة في الموبايل تتلموا عليه .. يا تطنش و تسيبله اللمبة .. و ربنا يستر عليك

هو انا مش عارف حضرتك تقصد ان ياريت السرقة ترجع زي زمان ؟؟
عموما الحرامي حرامي وهو قدر يتغلب على ضحيته حتى لو كانت ف لمبة
لازم بقى نحط اسوأ الاحتمالات لتقليص الحيز للحرامي عشان يتغلب علينا فى اي حاجة يعني

المشاركة الأصلية كتبت بواسطة luaai في عندك حل من اتنين وتريح دماغك خالص: 1- تركب لمنة سلم من اللي بيبقى عليها شبك حديد من برة بيركب بمسامير ودي كنت مركبها أول ما سكنت في أكتوبر منعا لسرقة اللمبة عشان المفروض اني متجوز جديد وهتبقى مراتي لوحدها في البيت (عملت حسابي من الأول):w6w200504112206346 3 2- تركيب كاميرا مراقبة على السلم من اللي بتشتغل عالتليفزيون وتحاول تخفيها بأي حاجة (قش مثلا كأن العصافير هي اللي عاملة كده) لكن ماتخليش حد يشوفك وأنت بتركبها أحسن تتسرق هي كمان

فكرت ف الكاميرا بس وقفت معايا ع التكاليف