الكاسيت اتسرق امبارح بليل....مش متفائل
مساء الخير عليكم
الكاسيت اتسرق من العربية..
وبدون اي خسائر
وطبعا العربية اتفتشت صح الصح
الحكاية بالتفصيل
انا بركن العربية تحت البيت مباشرة قدام مدخلين ومحل ترزي
والعربية بقالها من يوم الجمعة واقفة مطلعتش بيها لان مشوار الكليه سهل و مش محتاج عربية
وفترة امتحانات ومافيش صرمحة ف العربية مركونة
امبارح اخدت الفلاش ميموري عشان اظبط الاغاني لوجود نية اني انزل بيها النهاردة
المهم نزلت الصبح ولقيت ورق وحاجة الطابلوة مرمية ف الدواسة
وببص كدة مالاقيتش الكاسيت
قلت الحمد لله ع كل حال و ركبت عشان اشوف اللي تم
لاقيت الباب اليمين مازال مفتوح وكل حاجة موجودة عدا الكاسيت ومخلوع بطريقة نضيفة مش تقطيع سلوك وخلاص هو سايبلي الجاكات ذكرى
اخدت العربية وروحت مشواري وجيت احكيلكم ع اللي تم عشان تساعدوني
طبل الباب عندى مش متطبقة و كان فاكك الجريدة النيكل اللي تحت الزجاج ف الباب اللي ورا
وباين انه متعبش ف الدخول يعني
دلوقتى انا شايف ان العربية كدة عتبتها بقيت سهلة والراجل دة هيجي يرزق منها كل يومين
ودي مش اول محاولة واللي كان متابع عملت موضوع قبل كدة انها كانت هتتسرق
انا بقفل الدركسيون و بحط مسوجر الطارة مع الدبرياج ومش بغطيها عشان المطر
ولا عندي سنتر ولا انذار ولو هشتري هيبقى الشهر اللي جاي عشان الحالة "ج"
تنصحوني ب ايه ؟؟
انا عارف اني طولت ف الكلام ومحدش بيقرا للاخر
بس انا خلاص مش كل يومين هقعد فى توتر وقلق كدة
فكرت ارفعها او حتى ابيعها يا اما انام جواها
الجراجات عندنا مستوى 180 ف الشهر وانا مش ف مقدوري ادفع جراج
__________________
أسألكم الدعاء لوالدي بالرحمة
It's Nice to be Important but, It's More Important to be Nice
|