المشاركة الأصلية كتبت بواسطة dr.wael7yran
شوفي يا افندم ..
انا هوقلك رأي الطب ..
دي اسمها فترة المراهقة ..
و هي فترة صعبة جدا و ربنا يقدرك عليها ..
و العقاب في الفترة دي صعب جدا ..
و بيحسس ولاد حضرتك بالظلم و الغضب الشديد ..
و المرحلة دي مرحلة المساومة من الاخر ..
هتاخد مني حاجة يبقى تديني حاجة تانية بدلها ..
و انا بقترح على حضرتك كذا خطوة تعمليها و ان كنت انا متأكد انك عملتي كده و اكتر من كده ..
اولا : اقعدي معاهم قعدة اصحاب .. و كلميهم بالذوق و حركي مشاعرهم ناحيتك .. يعني موش انا ماما اللي بتخاف عليكم و انا قصدي يعني اخنقكم و لا اضايقكم انا عايزة مصلحتكم و حاولي تخلى القعدة دي على صورة اسئلة .. يعني موش انا بحبكم ؟ عمري اكرهلكم الخير ؟
مطلوب منك تحركي مشاعر الرجولة جواهم ..و متتصيديش ليهم الاخطاء و سيبهم هم اللي يعترفوا انه ده غلط ..
و وضحي المشكلة بعقلانية و فهميهم كويس اوي انه ده لمصلحتهم هم ..
ثانيا : اتفقي معاهم اتفاق رجالة على عدد محدود من الساعات على اللعبة دي و اتركي ليهم هم حرية اختيار العقاب ..
و حطي درجات .. يعني لو كسرتم القواعد .. نتحرم من المصروف .. منفعش .. منخرجش يوم الخميس .. منفعش .. نقطع النت .. منفعش .. منفعش ..
و سيبوهم هم اللي يحددوا بس من غير ما يضحكوا عليكي ( ما انا عارف الامهات )..
و خليكي واضحة و حازمة في تنفيذ هذه العقوبات ..
ثالثا : لو خدوا الموضوع تهريج قبل ما تلجأي لوالدهم عاقيبهم عاطفيا .. وده بيأثر جدا جدا جدا و على عكس توقعاتك .. يعني شوية خصام و يا سلام كده لو دمعتين ..
بجد هيتأثروا ..
رابعا : مفيش عقاب يدوم لاكتر من اسبوع ابدا لأن ده هيعلمهم حاجات تانية اوحش .. يعني الحرمان من المصروف موش اكتر من يومين .. و الخروج اسبوع او اسبوعين ..
و متفقديش الامل ...
و متزعقيش .. الزعيق موش بيجيب نتيجة ..
و حاولي تفكري في حاجة مفيدة تشغلهم اكتر من اللعبة زي الذهاب الى الجيم مثلا او تعليم الجيتار او تعليمهم السواقة .. حاجة تغيري بيهم نمط حياتهم ..
و ربنا يستر عليهم اللعبة دي جننت ناس دكاترة زمايلي و سابوا شغلهم و مذاكرتهم و قاعدين عليها 24 ساعة في ال 24 ..
و ربنا معاكي..
|
: 14FEAD~151:
بس اسمحلى بتعقيب بسيط ..
اولا العقاب اللى تختاريه يكون بناءا على احب حاجة ليهم هى اللى تتمنع
ثانيا العقاب العاطفى يفضل انه يكون من غير دموع فى رأيى الشخصى
ثالثا ان كان ولادك عنديين ودماغهم ناشفة يبقى لازم تكونى اعند منهم الف مرة بحيث انهم يتأكدو ان طالما ماما قالت حاجة يبقى انتهى الامر على كده , يعنى زى والدهم كده ..
وبعدين هى كده كده فترة وهاتعدى , يعنى مش هايفضلو كدا على طول ان شاء الله ..
وربنا يعينك ومايوريناش حاجة زى كده ابدا اللهم امين .