و مرة واحد صاحبي جاب هوندا سيفيك مستعملة ..
و كنت هموت و هاسوقها ..
لغاية لما مرة طلعنا على الطريق بتاعنا ..
كان طريق فااااضي و صحرا من الجانبين و مفيهوش و لا فتحات و لا ملفات و لا مبني اي حاجة على جانبيه ..
كان احسن طريق نجري بيه بالعربيات ..
- الطريق ده دلوقتي اللي هو ورا مول العرب -
المهم ..
خدت السيفيك من صاحبي ..
و واحد صاحبي تاني خد ال 128 بتاعتي و مشي ورايا ..
و فتحنا يا معلم ..
و انا باجري بالهوندا و صاحبي لازق في بالفيات
و مرة واحدة طلعلي عيل صغير بيعدي الشارع ..
هل ده كان كائن فضائي ..
او كان فرد من قبيلة بدوية قررت تستقر في صحراء 6 اكتوبر ..
معرفش
و دوست فرامل على الاخر ..
و صاحبي داس فرامل هو برده على الاخر ..
بس طبعا دي فرامل هوندا و دي فرامل 128 ..
و لبسنا في بعض يا معلم ..
و اول ما بصينا على ال 128 من الازاز الوراني قلبنا وقع في رجلينا ..
الكبوت بتاع ال128 كان داخل تقريبا عند صاحبي اللي بيسوق ..
و قلنا ضهر الهوندا طار ..
و نزل صاحبي - صاحب الهوندا - و هو هيتجنن ..
ابوه لسه جايب العربية ..
و لقينا ..
الهوندا ما شاء الله .. مفيهاش و لا حتى خدش ..
و ال 128 و شها طار ..
و حمد صاحبي ربنا ..
و انا حمدت ربنا برده .. و رحت ادور على حبل اجر بيه العربية
:wa ve2W21: