و بمناسبة اذن بابا و ماما ..
ياما طبعا مفتاح العربية اتسلك و العربية اتسحبت بهدوء من تحت البيت ..
و فاكر مرة بابا كان لسه غاسل العربية و خدتها و مكملتش ربع ساعة و الدنيا مطرت - على حظي طبعا - سيول ..
و العربية اتبهدلت ..
قضيت الخروجة مع صحابي و قلت اعدي على البنزينة اغسلها قبل ما اروح ..
ببص في جيوبي ملقيتش غير 2 جنيه ..
و اصحابي طبعا
المهم اتكلت على الله انا و واحد صاحبي و لقينا خرطوم مفتوح في جنينة ..
و جيبنا بنص جنيه كيس بيريل بتاع الهدوم او جنرال باين موش فاكر ..
كان كيس بنص جنيه نستخسره في بسة حبيبتي ..
و وزعنا الكيس على العربية كلها و فتحنا عليها خرطوم الميه ..
و بس كده ..
الحمد لله قعدنا نغسل في ام العربية من الساعة 7 للساعة 11 و الصابون موش راضي يروح ..
و الجو تلج ..
و الشارع غرق و الناس بدأت تزعق على المياه ..
و احنا كل مرة نرش العربية نلاقيها بترغي ..
و نمسحها بالفوطة نلاقيها جيرت و بقى لونها ابيض ..
و نرش و ترغي و نمسح و تجير ..
لما وسطنا اتقطم
:craz yW14: