[basosi]

المشاركة الأصلية كتبت بواسطة محمد79 السلام عليكم اخواني اشتريت عربية لانوس 99 عاملة 68الف كيلو ودي اول مرة اجيب عربية وخبرتي صفر لكن المنتدي بيشرح كل حاجة بصراحة روعة وكان عند شوية استفسارات العربية الصبح بتجيب مية من الشكمان وكمان من 3 ايام لمبة البطارية بتنور علي السرعة العالية ولما روحت للكهربائي قلي قيس الدنمو علي العالي والواطي ولما قيستو عند بتاع البطاريات قلي الدينمو كويس وبيشحن والبطارية كوسة وفي صوت سيروالصوت ضعيف مش قوي السير جنب فلتر الهواء تحت خالص

اولا الف مبروك وعقبال ما تجيب زيرو ان شاء الله
ثانيا قصدك عامله 168000 كم دي موديل 99 وكده تعتبر كويسه
ثالثا بتجيب ميه من الجكمان يعني بتعرق وده حاجه كويسة
أما لمبة البطاريه بتنور على السرعات العاليه يعني 100 كم مثلا فأعتقد انها لمبة ال chek
هل اللمبه اللي نورت كانت لونها أحمر
ولا اللمبه اللي نورت كانت أصفر وفي الشمال
أنا عتقد انها الصفراء وده ما يضرش في حاجه لأن معظم العربيات 99 و 2000 لما بتمشي على سرعة مابين 90 و 100 كم اللمبه دي بتنور لمدة 5 ثواني وتطفي لوحدها ولو عملت اسكانر مش حيطلع اي بيانات
اخر حاجه الصوت اللي طالع ده صوت السير لأنه جنب فلتر الهوا وتلاقيه بيصرخ يعني عاوز يتظبط

اهم حاجه تعملها انك تغير سير التقسيمة ومعاه سير الدينامو وسير التكييف وفلتر البنزين وزيت الموتور وفلتر الزيت
وربنا يجعلها قدم السعد عليك