[akefpop]

المشاركة الأصلية كتبت بواسطة walidelwahsh اتق الله في كلامك مبارك اية اللي بتدافع عن ايامه روح الحتت الداخلية جوة القاهرة مش هاقولك محافظات نائية هتلاقيها ماتنفعش عيشة يعيش فيها كلاب مش بني ادمين انا مرة حبيت اخرم من شارع في المطرية تهت دخلت حتت وشوارع عجيبة وغريبة منطقة مش ممكن تقول انها في قلب القاهرة فما بالك باللي في المحافظات التانية 30 سنة ومافيش ولا حرب واحده دخلناها راح فين اقتصاد البلد وثرواته كل مايتكلم يقولك اجيبلكم منين انتم كتير اصلة كان بيصرف علينا من بيت ابوه بعدين الراجل قالها انا بديلي الفوضى فعلا كلامه طلع صح بس دا مش تنبؤ ولا علم ببواطن الامور لأ...دا ترتيب مسبق عشان لما تقوم ثورة وتحررنا يبقى هو دا الرد عليها الفوضى المرتبة وبعدين شرطة ايه اللي بتدافع عنها دي قلتها احسن لو بقلة الكرامة والقيمة لو حضرتك اخدت بالك دلوقتي من تعاملات كمائن المرور بعد الثورة هتلاقيها مختلفة تماما عن قبل الثورة من التناكة والعنجهية الفارغة ولا اكننا شغالين عند ابهاتهم استر علينا يارب ولا حول ولا قوة الا بالله

اولا انا مبدافعش عن مبارك
انا بحسبها بالعقل مبارك برغم بلاويه لكن كان ليه محاسن ومميزات معرفنهاش الا دلوقتى واهمها الامن والاقتصاد وكان حامى البلد من كوارث واول ما سقط كل الذئاب اللى كانت مستخبيه فى جحورها طلعت عشان تنهش فى جسد الوطن اللى عايزها علمانيه اباحيه واللى عايزها شيوعيه واللى عايزها وهابيه واللى عايزها شيعيه وكل يغنى على ليلاه
والفقر اللى حضرتك بتتكلم عنه موجود فى كل دول العالم الغنيه منها قبل الناميه امريكا نفسها فيها فقر وبطاله حى مانهاتن اغنى احياء نيويورك العاصمه الاقتصاديه لامريكا ملاصق لافقر حى فى امريكا هو حى هارلم معقل الجريمه والمخدرات
عايز تعرف السرقه على حق ربنا اتفرج على بلد زى السعوديه اللى العائله المالكه السعوديه فيها اكتر من 1600 امير كل واحد منهم بقصوره وسياراته وطائراته وامواله يفوق ميزانية دول باكملها ومع ذلك مصر تقدمت عليهم فى مجالات عديده فالطب والهندسه والصناعه يا راجل ده مترو الانفاق دخل القاهره قبل ما يدخل دبى ب 10 سنوات كامله .. دول اخرهم يشاوروا على الحاجه ويقولوا عايزين من ده وبس انما تصنيع وابتكار مش بتاعهم
وانت بتقول 30 سنه بدون حرب وكانه غلطان انه مدخلكش حرب وبستنكر عليه انه عيشك فسلام وفامان 30 سنه وهو ده اللى باقى فعلا اننا ندخل فحرب بجد عشان نعرف قيمة السلام لان معظمنا اتولد وميعرفش يعنى ايه حرب
عايز تعرف حضرتك المليارات بتاعة 30 سنه سلام راحت فين ؟؟ راحت فمصانع العاشر من رمضان والمناطق الصناعيه فاكتوبر وشرق التفريعه وبرج العرب واكتر من 30 مدينه جديده اتبنت والمصانع الحربيه والهيئه العربيه للتصنيع اللى كل الدول العربيه انسحبت منها ايام السادات وسحبت تمويلها وانت شغلتها لوحدك لحد ما وقفت على رجليها واشتغلت من تانى بدون (الاشقاء العرب)والمطارات والموانئ والطرق وكووووووووول ده عشان يجذب المستثمرين اللى بييجوا عشان يشغلوك ويحطوا عمله صعبه فبلدك واللى الثوره النهارده بتطردهم وبتقفل مصانعهم وبتشرد الالاف العمال بحجة التطهير تلك الكلمه المطاطه التى يستخدمها الثوار ولا يعلم أحد ما المقصود منها .. وكان الهدف من استعمال تلك الكلمات العامة هو الاستمرارية فى المطالبة بشئ غامض وغير محدد.
مبارك يوم ما تنحى عن الحكم كان البنك المركزى فيه اكتر من 36 مليار دولار
النهارده وبفعل الثوره المباركه انخفض الاحتياطى النقدى الى 25 مليار دولار فى اقل من 3 اشهر بعد الثوره والله اعلم بقى كام النهارده ومع استمرار الاعتصامات والاضرابات وقطع الطرقات واللى اصبح فى كل مكان وبمبررات تافهه ومن اشخاص اكثر تفاهه وسطحيه ابشروا بان القادم اسوأ