رحلة الى اعماق الكون : 5 - الفضاء بين النجوم Interstellar
مش لاقى حاجة اعبر بيها عن مدى عجز الانسان عن إدراك الخالق سبحانه جل فى علاه
ايه الحكمة من هذا الاتساع المعجز للعقل البشرى المغرور
لان هذا العقل المتعجرف المغرور الساذج لو ادرك حدود كونه لكفر
اقرب نجم لينا بعد الشمس هو مجموعة النجوم الفا سينتورى
و هو نظام ثنائى من نجمين فى حجم الشمس تقريبا بيدوروا حولين بعض كاملة كل 80 سنة و فى نجم تالت بروكسيما سينتورى
بيدور حواليهم فى 500 الف سنة
الحجم النسبى بين النجوم الاربعة من اليسار: الشمس - الفا سينتورى A - الفا سينتورى B - بروكسيما سينتورى اصغرهم
و اقرب نجم من التلاتة لينا هو بروكسيما سينتورى
و كلمة قريب دى ما زالت معجزة بالنسبة للجنس البشرى
فهو يبعد عنا 4.2 سنة ضوئية
طبعا مقايس المسافة المعروفة لينا زى الكيلومتر متنفعش مع الابعاد السرمدية للكون بالتالى انسب وحدة مسافة للفضاء النجمى هو السنة الضوئية و معنى السنة الضوئية هى المسافة اللى الضوء بيمشيها فى سنة
و بما ان سرعة الضوء محدودة و هى 300 الف كم كل ثانية
بعيد عنا 40000000000000 كم (40 تريليون كم )
بالمناسبة ده اقرب نجم للشمس
تصور فنان لسطوع بروكسيما المهيب على سطح كوكب افتراضى و يبان عن بعد بجلال الثنائى البديع الفا سينتورى 
ماذا لو قررنا السفر لعالم بروكسيما سينتورى
بتكنولوجيا الدفع الاقتصادى المتوفرة Ion drive propulsion بسرعة 56 الف كم على الساعة حناخد 82000 سنة يعنى تقريبا 2700 جيل بشرى
حاجة ظريفة مش بعيد بعد انطلاق المشروع بالف سنة مثلا يكون البشر اخترعوا حاجة اسرع و تعدى المركبة الموكوسة دى
طبعا حاجة مستحيلة اذا كان عمر الجنس البشرى منذ ادم عليه السلام يقدر على اعلى التقديرات ب 100 الف سنة اذا مكنش اقل بكتير
النجم ده عمره ما شد انتباهى لانى بتأثر اكتر بالحجات الجبارة زى نجوم اكبر من شمسنا بملاين المرات
اللى شدنى للموضوع هو شعورى بمدى صغر عالمنا اللى بنتصارع فيه يكفى ان تدرك ان مجرتنا درب التبانة فيها زى 200 بليون نجم و فى زى مجرتنا بلايين المجرات
الضوء بسرعته محتاج 100 الف سنة عشان يقطع قطر المجرة
فين احنا ؟
مين احنا ؟
( إنا عرضنا الأمانة على السماوات والأرض والجبال فأبين أن يحملنها وأشفقن منها وحملها الإنسان إنه كان ظلوما جهولا ( 72 ) الاحزاب
صدق الله العظيم
__________________
سبحانك لا علم لنا الا ما علمتنا
|