[akerima]

انا شايف ان الميجان من افضل العربيات اللي سوقتها من ناحية الراحة والكماليات وتعتبر من العربيات الفرنساوي القليلة جدا اللي تقدر تتنافس مع البي ام والمرسيدس واحلي كمان من الفلوانس بس للاسف ميزتها هو عيبها لان من كتر وتعقيد التكنولوجيا اللي موجودة فيها بقت بتخوف الناس من انها تركبها وتشتغل فيها عند اي عطل - واتذكر ان عمي كان معايا في التوكيل مرة انا كنت بعمل صيانة ال 20000 وهو كان عنده مشكلة لما بتبقي العربية علي السلانسية كانت بتبطل هو معاه ميجان هاي لاين تقريبا موديل 2006 او 07 مش فاكر المهم طلعت المشكلة في حساس ما وكان تمنة حوالي 900 ج وساعتها استكترت المبلغ جدا في حساس واقترحت علية انة يستشير احدي الميكانيكية قبل تغيير الحساس دا ليكون التوكيل بيشتغلة عشان ياخد فلوس وخلاص

المفاجاة اني لقيتة بيرد عليا ان توكيل الرينو مش بتاع الكلام دا وانة لو راح لاي ميكانيكي بمنهي البساطة فعلا مش حيقولة غير الحساس وانة حيصلحة باقل التكاليف بس حتضطر تروح للميكانيكي دا كل شهر بعد كدة عشان عندك مشكلة مختلفة لغاية ما هتلاقي نفسك دفعت ال 900ج بس علي اقساط وللاسف العربية في الاخر برضة ماظبتتش

وللاسف لو كل مالكي الميجان يمشوا علي المبدا دا حيرتاحوا ومش حيلاقوا مشاكل في عربياتهم لكن معظمهم بيستسهل ويسترخص ويروح يرمي نفسة في براسن الميكانيكية الفهلوية اللي واخدنها بالشبه