رد: انا عاوز افهم وجهت نظر الشعب المصرى
المشاركة الأصلية كتبت بواسطة mody10_10
ازيكم يا جماعه دلوقت فى موضوع مهم مضيقنى هنا فى مصر لما تيجى تتكلم على سياره مثلا الاوكتفيا اسكودا تلاقى واحد يقولك المانى ياعم دى اسكودا وكذالك الاوبل فطبعا الشركه اخدت اسم عالى اوى فى مصر زى التويوتا كورولا يقولك يبانى فيها ايه يعنى ولو جم وشافوا اللى بيقولوا عليه كويس شوف يعم المواصفات بتاع الخليج وبتاع مصر تخليك تكره عربيات مصر كلها ومع ان الاسكودا مش تستحق السعر ده كله وده طبعا من الصيت اللى اخدته نفسى افوق الشعب ده تعرفوا لدرجه انى وانا بجيب الفيات بجد كنت قرفان منها بسبب كلام الناس ولما شوفتها وشوفت الامكانيات اللى فيها عجبتنى اوى وكمان عضم العربيه بسم الله عليه تقيل اتفرج على الباقى خفيف ريشه ياريت بقا من اهل الخبره يشوفوا الموضوع ده عشان عاوز افهم ايه الفرق بين الايطالى والالمانى او الفيات والاسكودا على سبيل المثال
ولكم تحياتى
((معلش وجعت دمغكوا))ptmnlo123per1127
|
بخصوص الاسكودا اوكتافيا و بالرغم من قدم تصميمها اللي بقاله اكتر من 10 سنين ... الا انها السياره المفضله في انجلتر السنه اللي فاتت .. و ده باستطلاع رأي الناس ..
وبالنسبه لسعر اي عربيه فهو غالي لكن هي عمليه نسبيه ..
يعني الاوكتافيا اكيد مش مرسيدس و الا كان سعرها بقى مرسيدس ..
لكن هي سعرها منافس مع الجيتا و السيفيك مثلا ... فهي دي المقارنه ساعتها ...
وكل فئه سعريه ليها جوكر ...
زي البيكانتو - الانسر - الالنترا (لحد ما نشوف النيو سيراتو حتعمل ايه ) - الكورولا - الاوكتافيا - الباسات - سي 180 - ...
لكن ده مش معناه انهم احسن عربيات .. لكنهم اكترهم شعبيه ..
والصيت ده عامل مهم جدا ... يعني اكيد لما اي حد يجي يشتري عربيه ليها سمعه كويسه بيكون متطمن نسبيا ... لأن اسعار العربيات عندنا مش قليله و فلوسها مش سهله علشان نغامر او نجرب ..
واي واحد بيشتري عربيه جديده او مستعمله حتى ..... بيسأل طوب الارض الاول ...
التويوتا مشهوره انها عربيه تدور و تمشي (اعتماديه عاليه و اعطال قليله ) وناس كتير متنزلش من التويوتا الا علشان تركب تويوتا ...
اما بخصوص المواصفات فإحنا اساسا بلد اللا مواصفات ....
اذا كانو بيجيبولنا قمح لا يصلح للاستخدام الادمي ... يعني اللقمه نفسها معيوبه .. مابالك بالعربيات !!!
ووكلا كتير بيطلبو العربيات بعد ما يفضوها من العوامل المهمه (الغير مرئيه ) و ينزلوها بشويه مواصفات من عينه الضحك على الدقون ...
يعني تلاقي العربيه نازله مرايات وازاز كهربا و سنتر و ريموت و مفيهاش اي عوامل امان مثلا ...
ودي ميزه الاوروبي عن الاسيوي عموما ... الشركات الاوروبيه متنزلش عربياتها منقوصه مواصفات رئيسيه ..
لكن للأسف اغلب الشركات الاسيويه بتنزل العربيه زي الوكيل ما بيطلب
معلش اتكلمت كتير ....
اخرحاجه .... الفيات ..
عن نفسي حفضل البرافو في رينج ال 150 الف عن اي عربيه تانيه ( كورولا - سيفيك - اوكتافيا - ميجان - سيتروين - .... ) اي عربيه ....
لكن ...
تفضيلي ليها كعريه مش معناه اني اقرر اشتريها ...
لازم حفكر في حاجات تانيه كتير قبل القرار ده ...
الصيانه - الوكيل - اسعار قطع الغيار و توافرها -
واهم حاجه : -سعر اعاده البيع ...
او بمعنى ادق نسبه انخفاض سعر اعاده البيع للعربيه عن العربيات المنافسه ...
يعني مثلا لو قلت لي ان الكورولا كمان 5 سنين سعرها بينزل 20% في حين ان السيفيك بنتزل 40% و البرافو بتنزل 50 % ...تفتكر ساعتها حشتري مين فيهم ؟؟؟
بسم الله الرحمن الرحيم ..
الاجابه ..
برافو ...
بس مستعمله كمان 5 سنين ptmnlo123per1147
__________________
من تواضع لله رفعه The ultimate car would be designed by Italians engineered by Germans built by Japanese &
التعديل الأخير تم بواسطة islam_galal ; 24-06-2009 الساعة 01:43 PM
|