[فادى]

المشاركة الأصلية كتبت بواسطة Dr. Bolbolan يا أستاذ فادى ! خللى بالك أنا نقلت المشاركه السابقه فقط و موش أنا اللى كاتبها ! و كل ما يعنينى فى الآمر هو سفالة عمرو أديب ! انت ما سمعتش القرآن وهو بيقول ( ان جائكم فاسق ) أنا حبيت فقط أعرفكم ان عمرو أديب فاسق و بالتالى يجب الوقوف و التفكير ألف مره فيما يقول ! يعنى حضرتك لو رأيت فى ميدان عام واحد واقف ماسك زجاجة خمره بيد و المصحف بيده الآخرى و عمال يقرأ فى المصحف و بينصح الناس و بيقول أحاديث نبويه شريفه ! فما هو موقفك منه ؟؟ أعتقد ح يكون زى موقفى و موقف معظم الناس من عمرو أديب ! أنا لا أدافع عن خيبة فريقنا القومى ! و الموضوع كله لا يستاهل رفع ضغط انسان 10 مللى و انشالله الفريق ما غلب ولا اتغلب ولا ولع بجاز وسخ حتى ! بس أهلنا فى المنازل والبيوت ما يسمعوش ألفاظ معفنه و قذره من أشخاص تحسبهم أفراد من الآسره بحكم تواجدهم فى التلفزيون على بعد أمتار من أولادك ! صدقنى أنا بأحبك وبأحترمك رغم أنى لا أعرف عنك شىء سوى اسمك ! ( فادى ) ! Dr. Bolbolan ptmnlo123per1127

يا دكتور بلبل أنا عارف انو حضرتك ناقل المقالة فقط , و انا رديت على جمال هليل و عارف انو مش حضرتك اللى كاتب الكلام ده,
و تأكد انى بحترم حضرتك و مقدرش ارد على حضرتك بهذه السخرية,
حضرتك ملاحظتش الجملة الأولانية اللى انا كاتبها :

مش دفاعا عن عمرو اديب و لا حاجة, بس انا فعلا يا دكتور بلبل مبطيقش جمال هليل ده خالص,

مش دفاعا عن عمرو اديب صدقنى, و لا اعرف حاجة عن فضائحه و الموضوع لا يعنينى, لكن انا كنت بسخر من التمجيد و التهليل المبالغ فيه من قبل جمال هليل للاعبى المنتخب اللى طلعوا و لا نزلوا, فى الأخر لعيبة معظمهم مبيعرفش يفك الخط, و لا يستحقون هذا الاحترام المبالغ فيه, بل لا يستحقون أى احترام بعد ما فعلوه,
ففى النهاية لو بصيت للموضوع بحيادية, هتلاقى انو العبرة بالنتيجة, و النتيجة اننا رابع المجموعة يعنى أسوأ فرقة فيها,
يا ريتنا حتى كنا عملنا زى العراق, اللى خسرت ايوه بس مدخلش فيهم غير جون واحد من اسبانيا و بالعافية.
و انت كل اللى عملته انك احرزت 3 اهداف فى دفاع البرازيل المهلهل, و كسبت ايطاليا بضربة حظ, و فريق ايطاليا تبين فى النهاية انه أصبح فريقا ضعيفا و لا يمت بصلة الى فريق 2006 بطل العالم.
فى النهاية فان أداء مصر لم يرتقى للأداء المتوقع من بطل أفريقيا.