مش دفاعا عن عمرو اديب و لا حاجة, بس انا فعلا يا دكتور بلبل مبطيقش جمال هليل ده خالص,
هذا علي الرغم من أننا جميعا سافرنا جنوب إفريقيا.. وياما اتسرقنا هناك داخل الفنادق وخارجها!. هذا ليس جديدا
|
الجملة دى سمعتها 100 مرة فى خلال 48 ساعة!
مش عارف هو مفيش مصرى مراحش جنوب افريقيا و لا ايه, يظهر اننى الوحيد الذى لم اذهب الى هناك!!
فجأة أصبح الجميع خبراء فى التعرض لعمليات السرقة و النهب فى جنوب افريقيا.
و بعدين ايه "ياما" اتسرقنا ديه, ده على اساس انو الباشا رايح جاى على هناك, و كل مرة يتسرق, لا و فرحان كمان بخيبته القوية.
|
أنه حامي حمي النظافة والطهارة وحامل لواء الحرب علي اللاعبين الذين شرفونا أمام البرازيل وإيطاليا
|
هما مش المفروض انو شغلتهم لعيبة كورة, و انو لعيب الكورة شغلته انو يكسب و بياخد ملايين الملايين عشان يكسب, هل أصبحت تأدية الواجب فى زماننا الأغبر شرف ما بعده شرف؟!
و مش هما برضو نفس اللعيبة اللى كسفونا ادام امريكا و الجزائر و زامبيا.
|
وإذا تنازل اللاعبون والجهاز الفني واتحاد الكرة عن حقهم في ملاحقة القنوات التي اتهمتهم زورا وشهرت بهم أمام الرأي العام الذي صفق لهم طويلا.. فسوف نحاسب نحن أهل الإعلام المكتوب كل اللاعبين والجهاز الفني علي تغاضيهم عن حق الشعب والجماهير في إهدار دم وشرف نجومنا الذين شرفونا ورفعوا رءوسنا جميعا!! حتي لو عاد المذيع الألمعي الذي يهوي الخمر والنوم تحت أقدام المطربات واعتذر رسميا!!.
|
مش أوى كده,
رأيت اعلاميين يتماهون فى حب الرؤساء, و اعلاميون يتماهون فى حب قائد سياسى معين أو جماعة معينة, لكن أول مرة ارى اعلامى يتماهى فى حب فريق كرة بهذا الشكل.
اذا كان عمرو اديب ينام تحت أقدام المطربات كما تقول, فلا تقلده انت و تنام تحت اقدام لاعبينا المباركة, حفظها الله و حماها من شر الرباط الصليبى و الكسور و الجروح و الروائح العفنة, و أطال فى عمرها قادر يا كريم!!
يا عم حرام عليك طب بالذمة أنهى احلى تنام تحتها, رجلين هيفاء وهبى و نانسى عجرم العطرة الجميلة و لا رجلين محمد شوقى و ابو تريكة!!ptmnlo123per154
على الأقل هيفاء وهبى بتغسل رجليها!!!!!!