المشاركة الأصلية كتبت بواسطة aly_722000
الاخوة الاعزاء ثرموستات المروحة للستروين الاصلى ببيشغل المروحة عند 97 ويفصلها عند 92 يعنى 92/97 مش 70/80 ولا 80/90 مع احترامى لكل من شارك انتم كده بتعجلوا بنهاية الموتور وخصوصا 70/80 غلط غلط غلط
|
استاذ على .... مرحبا بيك عضوا جديدا وفردا فى اسرة مصر موتورز
واقر بكلامك الذى لا يخلو من الصواب
فعلا التيرموستات الاصلى بتاعها (92/97) وانا كنت جايب رادياتير استيراد بالتيرموستات الاصلى بالقيمة المذكورة ولكن....
درجة الحرارة فى الحاله دى تناسب الجو البارد اللى اتصنعت فيه العربية -فرنسا- لانها بطبيعة الحال بتاخد وقت لغاية ما تسخن
لكن عندنا هنا العربية بتسخن وبتوصل 90 وانت لسة بتبتدى تدورها وتسخنها عند استخدامك لاول مرة او لو سيبتها دايرة على السلانسية لمدة 5: 8 دقائق مثلا
وفى حالتنا دى وجونا ده يفضل التيرموستات لواطى اللى هو 80/70 وبرقم ادق 82/68 عشان النروحة تشتغل بدرى وتفصل بدرى اى نعم كده المروحة هاتشتغل بعدد مرات متكرر اكتر من التيرموستات العالى لكنه افضل من تتابع وسرعة سخونة الموتور وطالما بنحافظ على حرارة العربية فى المعدل المسموح لغاية 90 بحد اقصى يبقى مافيش ضرر ان شاء الله
ومشكور على التوضيح القيم ده