[الدملاوي]

- أخيرا فهمت معنى جملة.. الانتقال «السلمى» للسلطة.

- كنت فين يا شرف….. واحنا بندور عليك..

- دينية…. و… مدينة…… وبينهما…… عسكر

- مبارك كاتب على سريره «الثورة صابتنى.. ورب العرش نجانى».

- الحق أن قناة الجزيرة لها مراسلون لدعم الثورات فى كل مكان.. إلا «الدوحة».

- صدام نزل الحفرة.. بن على هرب.. مبارك عمل مريض.. القذافى استخبى فى المجارى.. بينما هتلر طلّع مسدسه وانتحر.. ده إنتم طغاة عرّة.. كسفتونا أمام التاريخ.

- الله يبارك له مبارك.. هو السبب فى نجاح الثورة لما قطع الإنترنت.. فنزلنا كلنا الشارع.. خليكوا كده قاعدين على الكيبورد نستنكر التعذيب ونشيّر صور القتل ونعمل لايك.

- سامحكم الله يا حماس.. لو خطفتم جندية إسرائيلية «شاليطة» وزوجتموها لشاليط منذ 5 أعوام. لكان الآن لديكم 7 «شلاليط»، وعندها نستطيع إخراج جميع الأسرى فى سجون الاحتلال.

- يعنى يا رب جه اليوم اللى اطلع فيه اتكلم زى صفوت الشريف.. وأقول «مصر مش تونس!!!»

- هانت.. الانتخابات قرّبت.. ربنا يعدى «الفترة الانتقامية» على خير.

- ساعات باحس إنى نفسى مبارك يرجع.. علشان نخلعه تانى.

- القذافى طول الثورة عمّال يقول للثوار من أنتم!! من أنتم؟؟ لما دخلوا عليه الثوار قالهم: يوووه هو انتم..

- فخامة الرؤساء وجلالة الملوك حكام الدول العربية.. أى واحد فيكم حيفكر يستبد أو يمد.. حيتشنق أو يتقتل أو يتحرق أو يتعزل أو يتسجن.. إعلامكم صنعتموه للكذب على الشعب.. ولكن أصبحتم أنتم فقط من تصدقونه

- الغرب.. جعل من تفاحة نيوتن علوما تُدرّس بالجامعات.. وشركة «أبل» اتخذت من التفاحة شعارا لأعلى تقنية حواسب فى العالم.. أما العرب فقد جمعوا التفاحتين.. وعملوه معسل.

- أسعار العملات: بلغ سعر الـ«شليط» الإسرائيلى مستويات مرتفعة، حيث تراوح سعر صرفه 1100 أسير فلسطينى، حسب تقديرات الشرق الأوسط.

- مش ساعات «تخلع» ضرسك بعد ما يسوس.. وبرضه ينقح عليك!! أهو مبارك كده.

- أحب أن أنوه أن أى كلام على صفحتى ضد المجلس الأعلى وسياساته هو بسبب أن «الكيبورد» بتاعتى مسروقة.. سرقها الراجل اللى سرق المدرعة.

- حمد لله ع السلامة.. هو الجيش السورى وصل؟

- يا شماتة أبلة سوزان فينا..

- سيناريو 1954 يتكرر الآن بحذافيره.

- طلعت زكريا يفكر فى إنتاج فيلم «طباخ المشير»!!

- أعلن أنا د.رؤوف رشدى، عدم تفويضى لأى حزب للتفاوض مع المجلس العسكرى، وأرفض أى اتفاق يتضمن الإبقاء على الحكم العسكرى لمدة أطول «وش كده» وسجل يا تاريخ.

- اجتماع الأحزاب المصرية مع الجيش اليوم.. زى واحدة راحت تجيب تار أبوها.. رجعت حامل…… والله الموفق.

- يعنى شون بين كلف خاطره وجه حضر جمعة استرداد «باقى» الثورة.. علشان كده طول عمرى أقول على شارون ستون قليلة ذوق.

- محاكمة أونطة.. هاتوا لنا شهداءنا.. بييجوا منين بتوع إحنا أسفين دول؟ عاوز أجيب واحد أربيه فى البيت.

- فى رأيى لا يوجد حل أمام الحكومة السعودية لتفادى خطر «فيسبوك» عليها سوى شرائه….. نياهاها نياهاها.

- امتحانات التاريخ هتبقى سهلة جدا.. فى أى عام هرب بن على؟ 2011.. فى أى عام خُلع مبارك؟ 2011.. فى أى عام حرق صالح؟ 2011.. فى أى عام سقط القذافى؟ 2011.

- هو مش ناقص غير إن يطلع مؤلف أغنية «إخترناه وبايعناه» يقول إن الأغنية كانت بتدعوا إلى الثورة.

- قال ويقول لك نهاية العالم 2012؟! العالم لو كمّل بالشكل ده احتمال مانلحقش العيد الكبير أساسا.

- لو استمر هذا الأداء المتدنى لمحامىّ المدعين بالحق المدنى.. أهالى الشهداء حايخدوا إعدام!!

- الثورة شكلها هنّجت.. محتاجة ريستارت