المشاركة الأصلية كتبت بواسطة didos
عندى شوية استفسارات وياريت اصحاب الخبرة يفيدونى علشان الصنايعية مايحسوش انى غشيم
معايا فيات 125 بس عايز اظبطها صح قوى ان شاء الله فرجاء الرد على الاسئلة بعض او كلها مع العلم انا فى اسكندرية يعنى لو امكن اماكن فى اسكندرية ياريت او ارقام ناس فى القاهرة اخليهم يبعتولى فى الشحن
1 - ايه الفرق بين مساعدين غاز وزيت وغاز على زيت وايهم افضل والماركة المناسبة عندى تتحمل وتخلى العربية ناعمة وثابتة وبكام
2 - لو عايز اعمل اكصدام امامى فايبر يكلف كام و عايز نوع فوجات شكله حديث ومايكونش غالى يركب فيه ولو عملته حديد يبقى حلو برضه ؟
3 - الحوض عندى شكله وحش ومقشر بس قالولى بلاش ارش دواخل فايه ممكن يظبطه من غير مايعتبر رش دواخلزى مثلا بوية بلاستيك وتتقشر لما اعوز او حاجة كده
4 - بالنسبة لزجاج الكهرباء محتاج ايه وايه هيا بالضبط وحدة الرفع . انا سالت عليها جديدة ب 40 جنيه تايوانى محتاج ايه تانى
5 - بالنسبة للانذار والسنتر محتااااااااااس
يعنى انا مش شايف انى محتاج الانذار وانه تكلفة على الفاضى لكن هوا السنتر محتاجه فى حاجة . انا سالت ع السنتر 110 بالريموت بدون انذار طيب انا عايز اركبهم حاجة حاجة عشان التكاليف وايه نوع حلو وسعره كويس
6 - لو ركبت سنتر وبعدين ركبت انذار ينفع الانذار يشتغل على ريموت السنتر ولا لا
7 - انا اعرف ان السنتر بيعمل صوت تيت تيت لما يقفل طب من غير انذار بيطلع الصوت ده برضه ؟
8 - يتهيالى ان لما بتقفل العربية بالريموت الزجاج الكهرباء بيقفل طيب ده محتاج حاجة معينة ولا عادى السنتر بيتوصل على زجاج الكهرباء ؟
9 - فيه ستيكر سمعت عنه بيبقى نيكل ولزقه جامد اسمه ايه وبكام
10 - عايز اركب لمبات H4 ابيض ناصع او مزرق تكون عالية و 55\65 وات علشان ما تسحبش من البطارية اركب نوع ايه وبكام
11 - صوت الموتور واصل الصالون جامد ايه ممكن اعمله يعزل الصوت
12 - عايز اغير التابلوه بواحد حديث ايه ممكن يركب من غير قص وتعديل
13 - هل الاكصدام العمولة لو مش مبالغ فيه ممنوع فى المرور
14 - سعر شداد الشاسيه وبيتباع عند بتوع قطع الغيار ولا ايه
15 - بلاش حد يقوللى بعها واشترى تكتك
اسف جدا على الاطاله بس بجد محتاج مساعدة وجزاكم الله كل خير
|
انا حرد علي جزئية الانذار والسنتر ووحدة الرفع
اولا السنتر عبارة عن 4 صوابع بيتركبوا علي مسوجر العربية وبيركب معاهم جهاز صغير بحيث لو فتحت اي باب من الابواب الامامية ال ابواب يفتحوا مع بعض ودا من غير ريموت الفتح بيبقي عن طريق المفتاح بتاع الباب
ثانيا الانذار عباره عن جهاز بيركب في العربية وبيتوصل علي معظم كهرباء العربية يعني بيتوصل علي زراير الابواب اللي بتتحكم في اضائة الصالون الداخلي والسنتر الخ وهي دي اللي بيبقي فيها الريموت وبتطلع الصوت اللي حضرتك بتسمعة لما العربية تفتح او تقفل + صوت الانذار لو لاقدر الله في حد حاول يفتح العربية
ثالثا وحدات الرفع ودا جهاز بيركب فقط لو انت عندك زجاج كهرباء بحيث لو قفلت العربية وحدات الرفع تتحكم في رفع الزجاج المفتوح بدون استخدام الزراير بتاعتة وليها ميزتين انك متوجعش دماغك كل شوية تقفل زجاج العربية قبل ما تنزل منها وفي نفس الوقت بتحميك من انك تنسي واحد مفتوح
ارجوا اني اكون افتدك وانا تحت امرك في اي استفسار