رد: كيا سيراتو ,, كارثة بجد :( ,,, منقول
يا اخواننا والله حرام الكلام ده و جربوا تخشوا على أى منتدى لأى عربية أو دوروا على جوجل هتلاقوا ناس بتقول على الحدفة الشمال و المقص اللى بيتكسر ان شاء الله تكون فيرارى
وكل اللى بيروجوا هذة المواضيع فى الغالب عمرهم ما ركبوا العربية
و من واقع تجربتى مع السيراتو بعد 40000 و معرفتى بأكتر من 15 واحد عندهم سيراتو بأكد ان العربية دى مافيهاش أى عيوب تصنيع و انا جربت ثباتها لحد 180 كم على الدايرى و زى الفل و لما باشوف هذا النوع من المواضيع باحس ان اللى كاتبة جايز بيتكلم على سيراتو بتاعة كوكب المريخ
اما الحوادث فسببها ان العربية مغرية بالجرى لأنها سريعة و معظم اللى بيشتريها من الشباب و ثانيا عددها بقى رهيب فى الشوارع فمن المنطقى ان تشوف منها حوادث أكتر نسبيا
مع الاسف ثقافتنا تعشق الاشاعات و تجعل من مشكله فى سيارة ولا اتنين ان صدقوا عيب تصنيع و وفيات و ابادة جماعية و شوية شوية يقوللك اشترى الكفن مع العربية
أرجوكم ارحموا الناس من هذه المواضيع و اتقوا الله فيما تقولون
|