[AbOnOrA]

بص يا سيدى قبل ما نتكلم فى اسلام ولا مسيحية ولا يهودية خلينا ناخد الامور من الزيرو

بديهى ومنطقى ومسلم بيه ان لما تكون فيه مكانة اعلى عايزة تتواصل مع مكانة اقل تبسط اللغة للشكل اللى يناسب مستوى الاقل
مثال انا لما احب افهم طفل صغير اى حاجة لازم ابسطهاله واوصلهالة بالشكل اللى يقدر عقلة وادراكة يستوعبة

كلام جميل وبسيط وواضح كده ،، وكلنا متفقين علية

تأكيداً للاتفاق على المبداء العام ده
انتو مثلا بتقولو ان المسيح علية السلام جالس على يمين الله
عمرك شوفت حد اعترض على ديه ؟
ابداً اى مسلم هيقراء ايه بتقول كده مش هيختلف معاها من حيث المضمون لان فى القرأن ربنا قال وجعلناه من المقربين
فسواء كان على اليمين او اليسار ربنا طبعا مش حوالية بوصلة لكن المعنى انه مقرب ليه سبحانة وبالتالى لا خلاف على المضمون

والشاهد ان لا اختلاف على استخدام الامثلة والتشبية لايصال الفكرة ولكن

نرجع تانى للمنطق اللى بيقول ان المكانة الاعلى لو هتسخدم التبسيط اكيد هتبقى على مستوى اعلى من التعبير
واكيد هترتقى باللغة والمضمون لان التبسيط مش معناه انه يكون بالاسواء بل بالعكس

وعلى سبيل المثال انا علشان افهم ابنى او بنتى انهم لازم يروحو المدرسة بنقول للولد علشان تبقى مهندس زى بابا او للبنت علشان تبقى دكتورة زى ماما

لكن مستحيل تقولة عارف يا حبيبى انا وانا فى سنك كنت اقوم كدة وانا شارب كاسين واتمطع واتطوح واقوم هوب راكب على الملاك ابو جناحين وطاير على المدرسة

الشاهد ان اللغة لازم تكون ارقى والمثال لازم يكون اسمى
ايه المعنى السامى فى اله يغضب فيامر ملاك الهلاك بالتدمير وبعد ما يموت 70 الف يتراجع ويقوله كفاية على اخر لحظة
ايه السمو فى كده

والشاهد ان ربنا لما يشاء يستخدم الامثال والتشبية بالتأكيد هستخدم ارقى المعانى والتشبيهات لايصال معنى اسمى واعمق من المعانى ذاتها والكلمات

تعالى بقى نقيس على المبادىء ديه ما جاء فى القرأن وما جاء فى بعض اسفار الكتب السماوية عموماً

تشبية القرأن مبنى على ارقى التعابير والتشبيهات وفقاً للمقايس البشرية
ومترادفه مع التنزية والتاكيد على خصوصية وتفرد ذاتة وصفاتة
بينما تشبيهات الديانات والمعتقدات القائمة على الكتب المقدسة الخاصة ببنى اسرائيل كلها متسقة مع المنظومة الفكرية ليهم
اله اسطورى غاضب ودموى لاعن الفلسطينين ويمكن كل الشعوب الا بنى اسرائيل والنبوة محصورة عليهم ووووو
منظومة قيمية متكاملة صدقنى

سيبنا من الكلام المرسل ونشوف المثال ونبداء من البداية فى اليوم السابع حسب زعمكم تعب فاستراح
هتقولى لا ده مش تعب زى تعبنا ولا استراحة زى استراحتنا هقولك طيب ماشى

وعلى الجانب الاخر فى القرأن اجد ان الله خلق السماوات والارض فى ستة ايام ثم استوى على العرش وما مسة من لغوب ( اى لم يمسسة ابداً اى تعب )

يعنى فى الصورة القرانية نتعلم ان الله عادة لا يحتاج الا ان يقضى فيكون الامر مفعولاً
ونتعلم انه سبحانة يقول للشىء كن فيكون
وسبحان الله نقراء استخدام لفظ فلتكن السموات فى الكتاب المقدس كماهى ف القرأن
طيب اذا كان الامر لديه مقضياً ليه فى ست ايام
فقط للدالة على اهمية الوقت والتتابع كحكمة للبشر
وبالتالى فلا داعى لاستخدام دلالات التعب او الارهاق
وبالتالى الصورة الاقرب هى صورة القرأن كملك يستوى على عرشة متهئياً لتدبير شئون مملكتة
وبالتالى لا اجد فى نفسى قبول لصورة الالهه المنهك من خلق السموات والارض فما لبث ان انتهى فاخذ يوم كامل راحة
الشاهد ان الاتنين فيهم تشبية لكن مع الفارق الكبير
اه واحد منهم تشبية ربنا فعلاً قالة بما يليق بجلالة وسلطانة وحكمتة وكمال بيانة
وواحد تشبية لكاتب يهودى بمستوى فهمة ولغتة وادراكة

ده الفرق