انا نزلت المظاهرات يوم واحد و رحت وقفت في المستشفى الميداني ..
و لقيت ناس بتموت ..
و ناس عينيها بتروح ..
و ناس بتتبهدل ..
و ناس غريبة بتحدف علينا طوب و بتستهدفنا في المستشفى ..
المظاهرات موش فسحة يا اخوانا ..
و بيقع فيها ضحايا كتير ..
و بيختلط فيها الحابل بالنابل ..
و لذلك .. مينفعش نطلع نتظاهر على الفاضية و المليانة ..
كلنا لازم نعترف .. وقفة الناس في الميدان هي اللي وصلتنا للي احنا فيه دلوقتي ..
بس وقفة الناس في الميدان عمال على بطال هتفقد الموضوع قوته و معناه ..
و اللي يزيد عن حده يتقلب ضده ..
و لأن العمر واحد ..
فأنا مع الصابرين اللي موش نازلين ..
الا لو البلد محتاجة نزولي بجد ..
و ربنا يعدي الايام اللي جاية على خير
