همسات عن الانتخبات 2011 (ييكون صوتى صحيح ييكون باطل)
همسات عن مجلس الشعب وانتخاباتة هذا العام 2011
(مش عارف هختار مين بس هروح ولو معجبنيش حد هيكون صوتى باطل بس هروح
شى غريب جدا لاحظتة العام دة فى الانتخبات بعد الثورة وبعد عدم وجود الحزب الوطنى
احزاب كثيرة جدا واعداد فردية ومستقلة تدخل الانتخابات
فى دواير وصل عدد الافراد فيها الى 100 واكثر
الموضوع اصبح فية حيرة كبيرة بس انا نويت انى اروح ادى صوتى يوم الانتخبات ولو معجبنيش حد مش هختار اى حد ويكون صوتى من الاصوات الباطلة بس هروح
عشت تجربة الانتخبات بحكم ان عائلتى كانت فى الدائرة بتاعت الانتخبات مجلس شعب ومحليات
كل شى ذى مهو العدد كبير يمكن زمان مكنتش بيكون لى صوت ولا كان عندى استعداد اشارك بصوتى بس طبعا كنت بشارك واكون فى الجان ودورى مع العائلة ايام وعدت
المهم لما بصيت فى اغلب الاماكن وجدت ناس كثيرة واعداد مهولة ولكن سياسة الدعاية الانتخابية واحد
كان نفسى اشوف شى جديد حتى من اى حزب جديد كل ال بشوف حتى من الاحزاب زى حزب النور والسلفين وغيرهم والوفد وغيرهم كلة نظام واحد وعود ومفيش حدد محدد يعمل اية او هيغير ازاى
طيب انت لو حد كويس وعندك فكر جديد لية متوضحش برنامج وكمان تحدد انت بنفسك لو قصرت هتحاسب نفسك ازاى قبل ماى حد من دائرتك يحاسبك
كمان شى مخلينى متضايق جدا جدا انا عايز بلدى تكون نضيفة صح لية برضة بعد التغير ال حصل بنعلق اليفط والصور وطبعا ولا اى حد هيشيل ولا هيظف ال عملة ولا اى اعلان على سور مدرسة ولا على سور اى مستشففى طيب اية التغير
حاسس ان الناس عيزة توصل للمنصب وخلاص رغم الشعارات الكثيرة ورغم انى ارى الجديد ناس كثيرة ملتحية وملتزمة ومتدينة فى الانتخابات ولكن نفس الاسلوب طيب فين النظافة من الايمان فين التغير فى نفوس الناس
فى النهاية ربنا يستر بس ان شاء الله قررت انى اروح ادلى بصوتى ولو معجبنيش حد هيكون صوتى فى الاعداد الباطلة بس ناوى اروح ان شاء الله
|