هى فيات و تويوتا و هوندا و فورد فى نفس الفئة الاقتصادية, لذا فانها منافسة لهم, و موضوع الاعتمادية ده كلام قديم اوى انتهى من زمان, موضوع الأعطال فى عربيات فيات زمن و انتهى, و سمعة فيات فى اوروبا حاليا جيدة من هذه الناحية, بل انها تفوقت على سمعة بيجو و فولكس مثلا.
و حتى هنا فى مصر, محدش بيشتكى من عربيات فيات الحديثة.
و صدقنى الأمريكان مش غيلان فى العربيات و بيركبوا عربيات اخيب مننا بكتير, طب تخيل انو الزستافا ال128 كانت بتتصدر هناك و بتتباع كويس فى وقت من الأوقات!
بس فيات بتمثل ثقافة جديدة فى صناعة السيارات المبتكرة, و هى الثقافة الموجودة فى السيارات الايطالية و الفرنسية فقط, التى يحرم الأمريكيون منها, و عشان كده هتكون متميزة.
الفاروميو اسمها فى امريكا حلو, و فى اوروبا أكثر من رائع, فى اوروبا يقال لا تكون سائقا حقيقيا ما لم تقد الفاروميو مرة فى حياتك, هى أكثر جاذبية و أرقى بكثير من بى ام و مرسيدس, و ماركة محبوبة جدا فى امريكا حتى الأن لذا اتوقع لها النجاح.
عموما النجاح من عدمه يعتمد على جودة الخدمة و القدرة على الترويج للمنتجات, لأن فى النهاية السوق يتكون فى معظمه من ناس لا تعرف شيئا عن فيات و الفاروميو و تويوتا و هوندا, هم يريدون شراء السيارة التى تطاردهم ليلا نهارا فى التليفزيون و الراديو و الجرائد!