انا عارف ان الموضوع سهل و لذيذ لجميع الاعضاء لكن انا حبيت اوضحه شويه بالصور للجميع من اجل استفاده
و اولا دى صوره هامه الموتور و الادوات المستخدمه
1 مفك صليبه بيبه 10
2 مفتاح بوجيهات مقاس 16
منظر عام بعد مانفك الوش البلاستيك هنلاقى سلوك البوجيهات
بعد كده نشيل السيلك و ندخل المفتاح و نلف فى عكس اتجاه عقارب الساعه
بعد كده البوجيه مش هايطلع معانا على طول لازم ندخل السيلك و نسحب بيه البوجيه
التركيب يبقى عكس الخطوات السابقه بس لازم نتاكد الاول ان سنه الشمعه متساوى فى كل البوجيهات
نيجى بقى للبوابه
بنفك المسمار اللى رابط الوصله اللى بين العمه و البوابه و نفكه من نحيه البوابه بمفك صليبه
و بعد كده نرش wd40 و ننظف مكان البوابه كويس جدا و نخلى بالنا مانحاولش نخلى السائل يدخل جوه البوابه كتير علشان بيكون رخم شويه عقبال ما يطير
و ده منظر عام للبوابه بعد النظافه
