[ShekeeS]

المشاركة الأصلية كتبت بواسطة AboNoRa طبعا الزيرو ليه مزاياه وعيوبة والمستعمل كمان فالمقارنة بينهم منطقياً غير سليمة بس اللى احسن من الاتنين كسر الزيرو يعنى عربية ماشية 10 - 20 الف كم ولسه بخيرها وحالة الزيرو ديه احسن شروه - افضل سعر + افضل حالة تانى حاجة لو قررت تشترى مستعمل يبقى الفيصل هو الحالة مش النوع ولا الموديل دايما الحالة الافضل تكسب تالت حاجة بالنسبة للصيانة السهلة والعملية كل العربيات ديه صيانتها سهلة ورخيصة ماعدا اللوجان والبى واى دى نسبياً رابعا بالنسبة للراحة وسهولة القيادة فبالتريب من الافضل كرولا - كريستاله - نوبيرا - صنى - لانوس واخيراً انا لو مكانك هفكر فى الكريستالة او النوبيرا بحالات من جيدة الى ممتازة بعديهم الكرولا والصنى ومش هفكر ابداً لا فى الانوس ولا اللوجان ليه اخترت كده ؟ الكريستالة مريحة وعملية جداً بالاضافة الى انها اقتصادية وموفرة ف استهلاك البنزين بعديها النوبيرا عملية برضو لكن مسرفة فى البنزين حبتين بس رحابة اكبر من الانوس ومن الصنى كمان الصنى بيميزها موتورها وعمليتها بس من ورا ديقة وعفشتها ناشفة الكرولا العيون عربيه جميلة وناعمة واقتصادية فى البنزين بس قطع غيارها غالية ومش متوفرة اوى زى باقى الموديلات وتقيلة فى اعادة البيع حبتين واخيراً اتمنالك التوفيق فى اختيارك وان شاء الله باقى الردود تكون اكثر افادة تحياتى وكل سنة وحضرتك طيب

وحضرتك طيب وشكرا جدا على النصيحه الغاليه وعيد سعيد