عملت صيانة 1000 كم قبل العيد مباشرة فى ابو رواش - والصراحه المشوار ما يعلم بيه الا ربنا
- المهم روحت من الساعه 8ونص صباحا - واول ما دخلت بالعربيه على البوابه
ادونى رقم واسم مهندس الاستقبال وعلشان اخلص معاه اجراءت التسجيل والبيانات والذى منه دخلت العمليه فى ساعه والعربيه دخلت الورشه الساعه 9ونصف
-
طلعت صالة الانتظار وشوفت العربيه وهى داخله وعرفت مكانها - قولت اقعد امام الازاز علشان اتابعها - طيب عدت ساعه ومحدش جه جانبها الصبر مفتاح الفرج
وعدت الساعه الثانيه ومحدش جه جانبها - الله طب وبعدين
- انا شايف من فوق عربيات بتخش وتدخل عل الرافعه على طول ويتعمل لها الصيانه فى السريع هما زعلانين من الغربيه ديه والا ايه - وبعدين دى العمليه مش اكتر من تغير زيت وتربيط عفشه - يعنى لو عملتها فى بنزينه مش هتاخد اكتر من نصف ساعه - الصبر من عندك يارب - قولت اشرب حاجه يمكن ربنا يفرجها واكسر الملل
انما ايه الواحد اتنقط الساعه التالته عدت والعربيه زى ما هى - لا وايه انت قاعد فوق شايف الناس اللى بتشتغل تحت وقفين يكلموا مع بعض شويه وشويه رايحين وشويه جايين وسويقه كده وكل بتتعمل ببطئ
هو فيه ايه؟؟؟؟؟ انا زهقت - مبدهاش بقى - الو الو يا باشمهندس ( ده مهندس الاستقبال- نمرته على الاستماره اللى استلموا العربيه بيها ) ايوه يا افندم - يا باشمهندس انا قاعد فوق بقالى 3 ساعات وزياده زشايف العربيات داخله خارجه وعربيتى محدش قرب منها لغايت دلوقت دى العمليه كلها تغير زيت وتربيط عفشه هو فيه ايه - حاضر يا افندم انا هاشوفها لحضرتك بس دلوقت فيه نصف ساعه راحه وبعدين الناس هتبتدى تشتغل تانى !!!!!!!!!! تشتغل تانى هو كان فيه اولانى
وخلصت الراحه
- وبدأت الناس تشتغل تانى - وبعد تلت ساعه وانا قاعد رايح جاى رايح جاى زى اللى مراته بتولد - العربيه بدأت تتحرك من من مكانها وبدأ حد يشتغل فيها قعد اد ايه يجى ساعه ونصف وزياده وبدأت اعربيه تتحرك وخرجت من الورشه - قلت الحمد لله - اخيرا - قولت مش هستنى ينادو على اسمى هنزل على طول وانجز - روحت على الخزنه غلشان انجز قال ايه لسه الفاتوره ما جتش وبعد الانتظار مره تانيه استنيت برضك لغاية ما نادوا على اسمى وخلصت العمليه ديه الساعه كام ؟؟؟؟؟
3 ونصف ده غير مشوار الرجوع تانى تانى تانى
ايه الحلاوه ديه ايه الانجاز ده
الصراحه تجربه مريره مريره مريره مريرررررررررررررررره وشكرا
