[احمد باشا]

هذا الموضوع بناء على خبره شخصيه من اليومين اللي فاتو دول وده بسبب ان احد اصدقائي (اتهف) في عقله وقرر انه يشتري العربيه الفاشله دي وبعد محاولات مستميته لاثنائه عن القرار الفاشل ده فضلت اني ابحث في السوق اكتر عنها يمكن نقدر نجيبله الفئه ال FULLY LOADED بدل ما ينضحك عليه اكتر ما هيتضحك عليه إن شاء الله

الالنترا الجديده مش فاشله وانا عامل بيها 8000 كيلو لغايه دلوقتي ..صحيح الفولي لودد غاليه اوفر فعلا ... بس بقيت الفئات بتاعتها سعرها ماشي مع السوق

وجدنا الاتي طبعا زي ماهو معروف العربيه وكيل و خليجي سوق الهيونداي بيعمل ايه في مصر (غير انه مقرطس الناس بعربيه فيها حوالي 60 الف جنيه زياده على اللي تستحقه) ؟؟

انا هتكلم علي الفئه بتاعتي سعرها ساعه ما جبتها 128.5 نشيل منهم ال 60 بتوع القرطسه الي حضرتك بتتكلم عليها بقت ب 68.5 نشيل النص جمرك يبقا سعرها تقريبا بقا 34.250
مع ان سعرها في السعوديه نقول 55 الف ريال ونضرب في فرق العمله يبقا تمنها حوالي 82 الف جنيه
مش عارف بصراحه حضرتك جبت ال 60 الف بتوع القرطسه دول منين

والله خامات رديئه جدا جدا ومفيش أي اوبشن يذكر ولا حتى سيفتي بس كتر خيرهم فيها اير باج واحد يعني الناس هتقطع نفسها ؟؟ واللعبه دي بكام بقى ؟؟ بحوالي 160 تنقص الف في بعض الاحيان لو هتدفع كاش

اللعبه الي ب 160 الف فيها 2 ايرباج مش واحدة... ياريت تشوف مين الي قرطس حضرتك وقالك الكلام ده

اه حاجه أخيره العربيه موديل 2011 أرجوكم بطلوا تسموها 2012

العربيه موديل 2012 ورقها بتاع الجمارك 2012 و ترخيص المرور 2012 نسميها احنا 2011 ليه يعني ؟؟؟