المشاركة الأصلية كتبت بواسطة tonsy1979
أحكى ايه بالظبط
من أول نصب اصحاب المكاتب ولا العربيات اللى عملت حوادث ولا العربية اللى اتسرقت ولما لاقيناها اتكهنت لانها كانت مدمرة ولا احكى عن اصحاب المكاتب اللى بيحرقوا الاسعار وكل واحد بينافس فى السعر على قفا صاحب العربية
طيب هقولك على حاجة واحكم انت بنفسك لما السيراتو والكورلا 2011 تتأجر بالسواق والبنزين 160 جنيه فى اليوم ده يرضى ربنا وانت راجل فى السوق وأكيد عارف الكلام ده واوعى تقول ان الكلام ده مش حقيقى .... يبقى مشروع فاشل ولا
وطبعا المستفيد الوحيد هو صاحب المكتب لان لو العربية اتسرقت ولا ادمرت ساعتها هيقول لصاحبها اخبط دماغك مع التأمين وحورات يا عم وانت فاهمنى .... ياما دقت على الراس طبول
فانا حبيت انصح الناس قبل ما يتورطو فى قسط عربية ميقدروش يسدوه من شغلها بالطريقة دى لازم الواحد قبل ما يقبل على الخطوة دى يحسبها صح وخصوصا اليومين دول ومحدش يمشى ورا واحد صاحب مكتب يقوله اشتر العربية وانا اشغل هالك 4000 جنيه فى الشهر والحورات اللى ملهاش لازمة دى
لان الموضوع لو 100% بالشكل ده كان أولى ان صاحب المكتب يشتريها لحسابه ويستفاد هو من فرق الايجار ويسد تمنها وكمان بعد 5 سنين العربية تبقى بتاعته .... مكانش حد غلب ... كان كل واحد فى مصر جاب 10 عربيات وشغلهم
دى خلاصة تجاربى وتجارب اقربائى فى هذا الموضوع الفاشل اللى كله مشاكل ووجع دماغ اكتر بكتير من مكاسبه  :08da 300846c84943ae1 |
كلام حضرتك كويس بس ممكن نعرف تفصيل الحكاية من الاول وبالتفصيل وتوضيح
كمان لية 5 سنوات اخر اى سيارة فى الايجار 3 سنوات او 4 بكثيرة ودة لان الزبون بيحب يركب داءما الحديث وكمان يريت تقولنا على صاحب المكتب دة علشان نعرفة
بس اقولك شى فى شغل شركات كويس ولما العربية كانت شغالة بالسواق يبقى ازاى اتسرقت
ولية تبداء مشروعك بعربية كبيرة ومقدم قليل وانت عايز تكسب كل شهر مبلغ كويس وكمان فى الاخر تبقى معاك عربية الموضوع مبيتحسبش كدة خالص
كمان فى مبداء اعتقد انك مش هتخلفنى فية وهو انك بتشتغل فى مشروع كبير يعنى حجم المغامرة والمخاطر كبير نتيجة ان فى مكسب كويس صح
وبتالى لازم تكون مقدر النقطة دة وتبداء وحدة وحدة
على فكرة اغلب صحاب المكاتب لديهم سيارت بتعتهم وباسمهم ولو مكانش عندة يبقى مينفعش تسلمة عربية وهو لسبب بسيط انة يهمة انة يطلع عربية باى سعر علشان العربية متقفش لان معندوش امكانية انة يسدد هو للحفاظ على العربية وبتالى اى زبون داخل علية هياجرلة العربية ومش هيهمة الحفاظ عليها
كمان فى ضمنات انت بتحصل عليها
يا جماعة لا خاب من استشار