[Mo.Hashim]

المشاركة الأصلية كتبت بواسطة yahiaashraf يا باشا انا ليا الشرف ان سعادتك معانا فى المنتدى هنا المنتدى كله منور بحضرتك و الله نيجى بقى للموضوع انا لما قولت السينا و الرينو و كده انا بقول افضل حاجه بالنسبه للسعر لان خلى بالك السعر دايما بيحكم واخد بالك يعنى متقوليش 40 الف و اقولك هاتلك تويوتا موديل التسعينات غير لما اقولك حاجه نظيفه و سمعتها كويسه و شغاله و مفيش مشاكل و فى نفس الوقت موديل حديث ده انا قصدى عليه نيجى بقى للمبلغ اللى انت عاوزه هقولك يجيب ايه عندك فيات سينا 1500 سىسى موديل 2008 كسر زيرو تعمل 50 الف لو ماشبه فوق ال60 الف تعمل 47 الف و ده الشكل الجديد خلى بالك و الاتنين مانوال عندك كمان فيات بونتو هاتشباك موديل 2004 الشكل بتاع 2011 تعمل من 40 الى 45 الف مانوال 1300 سىسى عندك كمان هيونداى فيرنا مانوال 1600 سىسى 20087 تعمل 46 الف و هتكون ماشبه فى حدود من 50 الى 70 الف عندك كمان لو عاوز باسعار اقل عندك من 2004 الى 2007 و ممكن تجيبها اوتوماتيك حاله ممتازه و بسعر رخيص لو عاوز اوتوماتيك فى كمان فولكس فاجن بولو 2001 تعمل فى حدود 47 الف مانوال هاتشباك عندك كمان بروتون واجا 2006 مانوال 1600 سىسى فول اوبشنز تعمل 47 الف و برده فى منها ب 50 الف و الاوتوماتيك لتاعتها ب 55 الف عندك كمان رينو كليو 2008 و 1400 سىسى فول اوبشنز تعمل من 46 الف الى 50 الف مش هقولك اكتر من كده انا قولتلك انظف حاجه بالتمن ده شوف و قولى بقى علشان ادورلك على اللى انت هتختاره استعمال و اى استفسار عن اى عربيه مش عارفها منن اللى انا ذكرتهم اعملك تقرير مخصوص عنها تحياتى : 01FDAB~189:

احب اشكرك يا استاذ يحيى على تفاعلك معايا بس انا عاوز اسالك على حاجه تانى وده بعد اذنك

انا ليا اتنين صحابى وكل واحد منهم معاه 50000 جنية

الاول جاب فيات بنتو 2008 حالتها اكتر من ممتازه بى 50000 من الاسكندرية
والتانى جاب اوبل كورسا 2005 سيدان حالتها جيد جدا بى 50000 جنية من السوق فى القاهره



السؤال بقى انا لما دورت على العربيتين لاقيت اسعار اكتر من كده وكمان غريبة مع انى مفيش فرق ما بين العربيتين وان كان الى مع اصحابى احسن كمان

ممكن اعرف لو عاوز اشترى ادور فين

وده اولا
تانيا انا عاوز اسالك سؤال تانى

ايهما احسن ولماذا اوبل كورسا 2005 سيدان ولا اوبل استر ثمنها 50000
سؤال اخير واسف للازعاج

ممكن تقولى على نوع عربية واحده بس بى 50000 جنية لانى بجد بشد فى شعرى من كتر ما انا مشوش ومش عارف اختار