السلام عليكم ورحمة الله وبركاته .. أحم أحم
نصيحتى : 1- اهتمى بشكلك ومظهرك أمام زوجك (ألا تقع عيناه منك على قبيح) , الراجل بينزل الشارع بيشوف اشكال وألوان , والله انا نفسى لما باشوف واحدة كدا ولا كدا باقول فى نفسى الله يكون فى عون الرجال , وباقعد اتسائل بيتصرفوا ازاى لما بيشوفوا المناظر دى , الله يكون فى عونهم فعلا ..
المهم ضعى مظهرك فى اولى مهامك اليومية قبل حتى ما تقومى بتنظيف البيت او عمل اى شئ فى المنزل ..
2- إياكى والصوت العالى , كل الرجالة فى الدنيا اللى خلقها ربنا بيكرهوا الست اللى صوتها عالى ..
3- اتعاملى مع زوجك برومانسية وذوق عالى ورقة واحترام كمان وكلامى فى دى للرجالة ايضا اياكى وزوجك والالفاظ الوحشة او القاسية حتى لو هزار ده فضلا طبعا عن الهزار باليد (الضرب الهزار) ..
4- اهتمى دايما باللفتات الجميلة من وقت للتانى , يعنى مثلا لو روحتى مشوار وزوجك هايرجع قبلك , سيبيله رسالة لذيذة , هاتى له هدية رقيقة من فترة للتانية , كلمتين حلوين منك من وقت للتانى , كده يعنى ..
5- وأخيرا .. الطاعة ثم الطاعة ثم الطاعة , كل الرجالة بتحب الست المطيعة , لكن طبعا من غير ما تلغى شخصيتك , وإياكى والعناد , أوحش حاجة العناد ..
كفاية كده مش فى بالى حاجة تانى حتى الآن