ممكن ببساطة ان شاء الله
اولا لو الدرج اصلا مافيهوش نور يبقى هانجيب (زرار نور باب) زى اللى فى قايم الباب اللى لما بنفتح الباب الصالون ينور ويفض يكون اصغر حاجه عشان درج التابلوه
وبعدين نشوف مكان عقول فى الدرج نفسة مش فى الغطاء ونحط الزرار فيه بحيث.....
لما نقفل الغطاء يدوس على الزرار ده ويطفى النور ولما نفتح الغطاء الزرار ينطر تانى وينور اللمبة .... تمام
بعد كده نوصل (ولو مش عارفين ممكن الكهربائى يقوم باللازم) الزرار باللمبة اللى عايزينها تنور فى الدرج من من السقف من جوه او نحط اللمبة فى المكان اللى عايزينه والدايرة كلها بسيطة
فردين ارضى وكهرباء داخلين للزرار وخارجين منه للمبة
الاهم بقى فى الحوار ده لو مش عارفين نوصل الاسلاك (الكهرباء والارضى) يبقى توضب كل حاجه بنفسك تحط الزرار واللمبة فى الماكن اللى قولنا عليه بمعرفتك انت والكهربائى بس يوصل السلك عشان ما يألفش من عنده ويبوظلك حاجه فى الدرج او الغطاء سواء بوضع الزرار فى مكان خطأ او يفتح له فتحه او اى شىء يشوه المنظر العالم وكذلك وضع اللمبة
واتأكد ان الزرار شغال ومش معلق عشان ماتنساهوش او ماتاخدش بالك انه شغال وتبيت العربية والبطارية تفضى او اللمبة تسخن اكتر من اللازم وممكن تحط نور ابيض برضه اضاءة اقوى واستهلاك اقل
اتمنى اكون افادتك وبالتوفيق
