الموضوع: ارشيف الاستراحة 2011
عرض مشاركة واحدة
  #16534  
قديم 30-10-2011, 09:29 PM
corsair
Guest
  
المشاركات: n/a
افتراضي رد: محتاجة الرأى من اهل المشورة و الخبرة
السلام عليكم يا مدام سلوي يا رب دايما بصحه وسلامه حضرتك والاسرة الكريمة والموضوع ده للاسف ملهوش حل لان السن بتاعهم ده سن العند واكتشاف البديل يعني صعب السيطرة عليه واللعبه ديه للاسف كلت عقول اغلبية الشعب المصري مش عارف ليه وانا عن نفسي بكره اي لعبه تخليني عبد ليها ومش قادر افارقها

حضرتك دلوقت لو قفلتي النت هتلاقيهم بيروحوا اي سيبر نت ويلعبوها يعني مفيش فايده

ياما هتلاقيهم بيضيعوا وقتهم علي التلفزيون علشان يبقي ضغط عليكم انكم ترجعوا تاني الكمبيوتر تشغلوه

الشده معاهم مش هتجيب نتيجة اوي يعني بينك وبينهم كدا فهميهم ان مستقبلهم مش في اللعبه ديه وحاولي تشوفيلهم شغل وقت اجازة اخر السنة ومش عيب علي الاقل هيضيعوا وقتهم في حاجه مفيده مدة ال 3 شهور ديه

حاولي تكلفيهم بمهام تبعدهم شوية عن الكمبيوتر

وبعدين في مثل بيقول الزن علي الودان امر من السحر يعني متسيبهمش كل شوية فهميهم ان كدا غلط ومستقبلكم مش هيبقي في لعبه لازم تتعبوا وتذاكروا علشان تبقوا حاجه كويسه حاولي تحفزيهم بوظايف وهميه بعد التخرج بشرط الاجتهاد وانهم يجيبوا تقدير كويس

وربنا يعينك ويقويكي ويا ريت حضرتك تبقي تقوليلنا اخر التطورات

رد مع اقتباس