المشاركة الأصلية كتبت بواسطة MOSTAFA SALLAM
يا جماعة بالله عليكم بلاش نبخس حق الناس لأن كما تدين تدان و انا عن نفسى شايف ان السعر معقول جدا لأن اللوجان 2012 عملة 71000 جنيه دلوقتى و بكدة يبقى صاحب العربة خسران فيها 6000 جنيه بزمتك لو عربيتك ترضى حد يبخس سعرها بالشكل دة ليه يعنى كل الف كيلو الراجل عملهم بالعربية = 3000 جنيه بصراحة معدل غير طبيعى .
و بالنسبة للبيع فممكن يكون صاحبها محتاج فلوس مثلا او جابها و حاصلتله ظروف و مضطر يبيعها او اى سبب تانى فليه نظلم العربية و صاحب العربية و نقول اكيد فيها و دى الكوبلن بتاعها بكذا و كذا .
و كمان رجاء مراجعة سعر السوق لأن دلوقتى اللوجان ال 2009 بيطلبوا فيها 58000 جنيه و بتبعى عاملة 50 الف كيلو مثلا و اللوجان 2010 سعرها من 59-61 و ال 2011 بيطلبوا فيها 65-64 الف و طبعا كل عربيية و حسب حالتها .
و على فكرة والله العربية مش عربيتى ولا حتى اعرف صاحبها بس انا دخلت اقول كلمة حق و ياريت تكشف على العربية فى التوكيل اضمن .
و متقلقش من اللوجان عموما العربية باسم الله ما شاء الله عليها جميلة جدا و بالنسبة لأسعار قطع الغيار فرخصت كتير عن الأول و بقت منتشرة فى كل حتة و اغلى من اسعار قطع غيار الانوس و الفيرنا بنسبة 10-15% مثلا و دى بالنسبة لقطع الغيار المستهلكة بسهولة انما قطع الغيار اللى مش مستهلكة زى الكبالن او علبة الدريكسيون مثلا فدى بتبقى غالية شوية لأنها معمرة و بفضل الله محدش بيشتريها دلوقتى و مع الوقت بترخص و كمان توكيل رينو حاليا يعد افضل توكيل فى مصر و ضمان 3 سنوات او 100 الف كبلو متر و ربنا يوفقك للى فيه الخير و كل عام و انت بخير و تقبل خالص تحياتى .
|
الله ينور على حضرتك كلام معقول ومش عارف ليه الناس بتتكلم على اللوجان كده ومعظمهم عن غير تجربه ولو شاف صنى ولا سيراتو بسعر قليل يقولك لقطه طب ايه الفرق ما دى عربيه ودى عربيه