المشاركة الأصلية كتبت بواسطة akerima
اولا حضرتك مجربتش العربية عشان تقول رايك فيها - كوبلن الرينو مش ب 3000 جنية ولا حتي جوة التوكيل جبت الكلام دا منين كوبلن الرينو كامل في التوكيل ب 1250 ومعني كامل يعني مش الراس فقط وطبعا برة التوكيل باقل من كدة بكتير تقريبا اقل من نص تمنة جوة التوكيل
دا بس رد علي كلامك اللي واضح ان مجرد اظهار في العربية عيب اكتر منة افادة الاخ السائل
وردا ان العربية اي كلام ودا كلام مش مظبوط العربية ممتازة بشهادة كل اللي اشتراها وجربها وركبها ومحققة انتشار خيالي واقل عربية في المشاكل وممكن تقرا الكلام دا في منتدانا الكريم وفي اي حتة العربية بقالها معايا ما يقرب من السنتين والحمد لله مشفتش منها حاجة وحشة اطلاقا وتوكيلها من انضف واحسن التوكيلات في مصر
وانا عن نفسي مقدرش افتي واقول اللي بيبيع عربية عملة 2000 كيلو بيبعها لية بس الاسباب كتيرة واكيد عندة سبب مقنع غير ان العربية اي كلام
|
والله رد ممتاز وكلام معقول مقدرش اقول حاجه عنه وفعلا العربيه منتشرة بكثرة ومشفتش حد اشتراها ومشكرش فيها انا عندى اتنين زمايلى فى الشغل طايرين بيها وبيقولوا توكيلها ممتاز وواحد نسيبى جابها وبيقول ممتازة ورافض يروح التوكيل بيقول العربيه كويسه ومش محتاج اروح للتوكيل وفعلا الواحد يااما يقول كلام عن تجربه فعليه حقيقيه مش مجرد كلام سمعه او بيقراة على النت يا اما مايعلقش علشان ما يضللش حد (وده مش اهانه دى نصيحه لاى حد بيحط معلومه على المنتدى )
بس انا رايي للاخ المشترى يكشف على العربيه من الالف للياء حتى لوكلفت اى مبلغ لانه كده كده كسبان الفرق اللى صاحبنا ها يخسرة فى البيه بس المهم ما يشتريش حاجه معيوبه ولو استريح لها يتوكل على الله ويشترى وما يسمعش لحد وربنا يبارك له فيها باذنه تعالى
وشكرا