المشاركة الأصلية كتبت بواسطة khaabas
طبعا اوعى تقرب منها
لانى لو الفارق بينها وبين الجديد الفين تلاته طبعا هات الجديدة وتبقى اول مالك والله اعلم صاحبها بيبعها ليه ممكن يكون فيها حاجة
وابعد عن الرينو وخليك فى اليابانى يليه الكورى الميكانيكية عارفينو وسهل صيانته وقطع الغيار فى اللذيذ
تعرف ان الكوبلن فى الرينواللوجان بحوالى 3000 جنية 
ثم ان صاحبها بيبعها بعد 2000 كيلو ده معناه ان الرينو عربية اى كلام يعنى من الاخر العربية مكملتش معاه شهرين  |
اولا حضرتك مجربتش العربية عشان تقول رايك فيها - كوبلن الرينو مش ب 3000 جنية ولا حتي جوة التوكيل جبت الكلام دا منين كوبلن الرينو كامل في التوكيل ب 1250 ومعني كامل يعني مش الراس فقط وطبعا برة التوكيل باقل من كدة بكتير تقريبا اقل من نص تمنة جوة التوكيل
دا بس رد علي كلامك اللي واضح ان مجرد اظهار في العربية عيب اكتر منة افادة الاخ السائل
وردا ان العربية اي كلام ودا كلام مش مظبوط العربية ممتازة بشهادة كل اللي اشتراها وجربها وركبها ومحققة انتشار خيالي واقل عربية في المشاكل وممكن تقرا الكلام دا في منتدانا الكريم وفي اي حتة العربية بقالها معايا ما يقرب من السنتين والحمد لله مشفتش منها حاجة وحشة اطلاقا وتوكيلها من انضف واحسن التوكيلات في مصر
وانا عن نفسي مقدرش افتي واقول اللي بيبيع عربية عملة 2000 كيلو بيبعها لية بس الاسباب كتيرة واكيد عندة سبب مقنع غير ان العربية اي كلام