المشاركة الأصلية كتبت بواسطة حسين122

شباب المنتدى الجميل
كويس جدآ تعليقاتكم
و بأشكركم عليها
لكني كنت متوقع تفاعل اكتر من كده
يعني مثلآ
احد الاعضاء يعرفنا بطبيعة عمله
و عضو تاني يبلغه انه محتاج خدماته و هكذا
و بالنسبة للبوجيهات
انا بصراحه ما بحبش اشتغل في كار غير كاري
انا عارف انه الوقت صعب
و في الوقت الصعب مش لازم تجرب حاجه جديده
هتتهرس بسرعه تحت رجلين العتاوله
زمان راجل اعمال كبير جدآ قالي حكمة
(((( إما تكون صغير جدآ بحيث محدش ياخد باله منك
أو تكون كبير جدآ بحيث محدش يقدر يأذيك لكن لو وقفت ف النص هتداس ))))
الحكمة دي جميلة اوي
حط عليها انه السوق منفد على بعضه
تلاقي انه مستورد صغير لقطع غيار معروف تسعيرتها غالبآ مش مكتوب له النجاح
و الله اعلم
لكن لو ده مجالك فأنت اكيد أعرف بيه مني
يا ريت كل واحد يعرفنا بطبيعة عمله عشان نستفيد بجد من معرفتنا ببعض
و من جو الود في هذا المنتدى الجميل