يا عالم بلاش افترا!!!
بسم الله الرحمن الرحيم
إخوتي الأعزاء ...
ذهبت أمس لصيانة الـ 10000 كلم وأنا إيدي على قلبي من الإشاعات اللي سامعها عن ارتفاع أسعار قطع الغيار
وكنت عامل حادثه بالعربية شهر رمضان السابق ومحتاج رمان بلي وخايف يقولولي لازم نغير جانبي الدنجل
لكن بصراحه الناس دول طلعوا ذوق جداً
أولاً صيانة الـ 10000 كلم حوالي 400 جنيه فقط
والكشف الشامل على السيارة بحوالي 35 جنيه فقط في توكيل الصحراوي
وكمان المهندس اللي استقبلي م. أحمد سامي راجل ذوق جداً لما قاللي إن مافيش داعي لتغيير رمان البلي للسيارة ولقاني متشكك في الموضوع أمرهم بالكشف للمرة الثانية على السيارة مجاناً بدون أعباء إضافية
بصراحه ياريت كل اللي يقول على حاجه غالية في المنتدى يسأل الأول ومايسمعش الكلام من أي حد ويروح يردده
والسلام ختام
وكل عام وأنتم طيبين بمناسبة عيد الأضحي المبارك وماتنسوش حتة اللية بتاعتي
|