[Eng/salwa]

المشاركة الأصلية كتبت بواسطة dr.wael7yran شوفي يا افندم .. انا هوقلك رأي الطب .. دي اسمها فترة المراهقة .. و هي فترة صعبة جدا و ربنا يقدرك عليها .. و العقاب في الفترة دي صعب جدا .. و بيحسس ولاد حضرتك بالظلم و الغضب الشديد .. و المرحلة دي مرحلة المساومة من الاخر .. هتاخد مني حاجة يبقى تديني حاجة تانية بدلها .. و انا بقترح على حضرتك كذا خطوة تعمليها و ان كنت انا متأكد انك عملتي كده و اكتر من كده .. اولا : اقعدي معاهم قعدة اصحاب .. و كلميهم بالذوق و حركي مشاعرهم ناحيتك .. يعني موش انا ماما اللي بتخاف عليكم و انا قصدي يعني اخنقكم و لا اضايقكم انا عايزة مصلحتكم و حاولي تخلى القعدة دي على صورة اسئلة .. يعني موش انا بحبكم ؟ عمري اكرهلكم الخير ؟ مطلوب منك تحركي مشاعر الرجولة جواهم ..و متتصيديش ليهم الاخطاء و سيبهم هم اللي يعترفوا انه ده غلط .. و وضحي المشكلة بعقلانية و فهميهم كويس اوي انه ده لمصلحتهم هم .. أولا اشكرك جدا جدا يا دكتور على الاهتمام ربنا يبارك لك طبعا لا اخفى عليك عملت 99% من الكلام ده و الله بس زى ما حضرتك اشرت ( انت عارف عقاب الامهات ) و انا بالذات ضعيفة جدا مع اولادى ولو زعلت من واحد فيهم انسى انا كنت زعلانه من ايه بعد 5 دقائق و هذا يمكن لان ربنا اختبرنى اختبار شديد فى اخوهم الكبير اللى كان زمانه دلوقتى طالب فى الجامعه والحمد لله على كل شئ ثانيا : اتفقي معاهم اتفاق رجالة على عدد محدود من الساعات على اللعبة دي و اتركي ليهم هم حرية اختيار العقاب .. و حطي درجات .. يعني لو كسرتم القواعد .. نتحرم من المصروف .. منفعش .. منخرجش يوم الخميس .. منفعش .. نقطع النت .. منفعش .. منفعش .. و سيبوهم هم اللي يحددوا بس من غير ما يضحكوا عليكي ( ما انا عارف الامهات ).. و خليكي واضحة و حازمة في تنفيذ هذه العقوبات .. زى ما قلت لحضرتك لم اتمكن من اتفاق رجالة معهم لدرجة اننا عملنا (عقد مكتوب كتابيا ) و كان ناقص نوثقه فى الشهر العقارى ببنود الالتزام بالمذاكرة - الصلاه - عدم الشجار سويا برغم ان والحمد لله كل واحد له جهاز منفصل درئا للمشاكل النوم مبكرا و عدم السهر ووووووووووو لا اخفى عليك سرا ولا التزام بمواثيق او عهود ثالثا : لو خدوا الموضوع تهريج قبل ما تلجأي لوالدهم عاقيبهم عاطفيا .. وده بيأثر جدا جدا جدا و على عكس توقعاتك .. يعني شوية خصام و يا سلام كده لو دمعتين .. بجد هيتأثروا .. طبعا النوع ده من العقاب ده لعبتى بس بصراحة بيحاولوا يوفوا بوعودهم بس مش بيقدروا و يقعدوا يتحايلوا على اسامح و لا اشتكى كل شئ لبابا وده لان بابا خصامه صعب و عقابه اصعب بس بيصلحوا نفسهم بسرعة ونجلس على المكاتب قبل ميعاد بابا 5 دقائق و بصراحة اخاف اخبى عليه كل مرة حتى لا اكون انا سبب افسادهم وطبعا معروف كلام الآباء للامهات و انا اخلى مسئوليتى افضل رابعا : مفيش عقاب يدوم لاكتر من اسبوع ابدا لأن ده هيعلمهم حاجات تانية اوحش .. يعني الحرمان من المصروف موش اكتر من يومين .. و الخروج اسبوع او اسبوعين .. و متفقديش الامل ... و متزعقيش .. الزعيق موش بيجيب نتيجة .. موضوع عقاب المصروف و خلافه ده طبعا مع بابا و سبحان الله حاجه تحير لو عمله بابا يتهمونى ان انا السبب لانى اشتكيت لبابا و ابقى انا الملامه منهم و من بابا كمان بالمرة و حاولي تفكري في حاجة مفيدة تشغلهم اكتر من اللعبة زي الذهاب الى الجيم مثلا او تعليم الجيتار او تعليمهم السواقة .. حاجة تغيري بيهم نمط حياتهم .. و ربنا يستر عليهم اللعبة دي جننت ناس دكاترة زمايلي و سابوا شغلهم و مذاكرتهم و قاعدين عليها 24 ساعة في ال 24 .. و ربنا معاكي..

الحمد لله الكبير (ثالثة ثانوى ) بطل الجمهورية مركز ثانى العاب قوى فى الوثب العالى
وذلك حتى سن 3 اعدادى و مع اللعبة المقربة للنت ترك العاب القوى و يذهب الحمد لله للجيم فقط و بالعافيه و بعد ما انا ضغطى يرتفع
علمته الحمد لله السواقة فعلا و دى كانت من خططنا العام الماضى لكى نبعده عن النت و عادى الحمد لله اصبح ما شاء الله بيسوق كويس
و لسة اخوه لم يتقن بعد السواقه ( اولى ثانوى)
و لكنه الحمد لله لم يتخلى حتى الآن عن مكانه فى فريق كرة القدم فى النادى منذ 11 عام والحمد لله ربنا يستر و لا يترك هو الآخر اللعبة (هو احرص من اخوه الكبير على الرياضة ) و لذلك ما شاء الله هو اكثر نموا و طولا و دى نقطة اخرى تضايق الكبير و هل ممكن نصائح يا دكتور لزيادة الطول


آسفه على الاطالة و لكن فعلا جزاك الله كل خير
و ربنا يبارك لك على النصائح الغالية