[حسام البورسعيدى]

شوف يا غالى ...

طقم الشنبر او النص عمره بتتعمل لما الموتور يبدأ يبقى خفيف .. بمعنى ان سحب العربية بيضعف والزيت بينقص وبتطلع دخان لونه ابيض مزرق (سماوى) من الشكمان ....

طيب .. ساعتها بنعرف ان لازم عمل طقم شنبر لان الشنابر دى هى الحلقات اللى بتمنع الزيت اللى فى اسفل المكنه انه يدخل فى غرف الحريق ويتحرق مع البنزين ..

المشكلة فى الحالة دى ان احيانا المكنه بتحتاج تاخد وش فى المخرطة لو الشنابر مجرحه ومش ناعمه وملساء ..

وللاسف دى حاجة متقدرش تعرفها غير لما تفتح المكنه ..

ولو المكنه احتاجت خرط انا بفضل تسقيط مكنه استيراد افضل لان المكنه اللى بتتخرط عمرها ما ترجع زى الفابريكه ...

عموما باذن الله المكنه عندك مش هتحتاج خرط وهتكتفى بطقم الشنبر فقط ...

بالنسبة للتكلفة التقريبية اعتقد هتكون كالتالى :

- طقم شنبر 120 جنية تقريبا

- طقم جوانات وش سلندر حوالى 80 جنية

- زيت عادى للتليين حوالى 70 جنية

- مصنعية حوالى 250 جنية

وقول 150 كمان مصاريف اضافيه ..

بس لازم لما تفتح المكنه تكون مستعد لاى مفاجئآت ..