[b A d R]

يا هلا يا هلا يا هلا يا شباب

بقالي كتير معملتش مشاركات في المنتدي الجميل بتاعنا

لكن هروح فين بلف بلف و برجع تاني

كنت عايز مساعدة بسيطة جدا أكيد عند الناس الخبرات بتوعنا اللي في المنتدي اللي بيركبوا عربيات بقالهم 10 سنين و 15 و 20 سنة و يمكن اكتر

انا نويت بمشيئة الرحمن اغير اطارات العربية عندي اللي هي ميشلان فرنساوي
مقاسها 195 65 R15 بعد عشرة عمر و سفر كتييييير و بعد استهلاك استمر ما يقرب لــ80 الف كيلو و مش ببالغ لما بقول انها لسه فيها و تقدر تمشي اكتر من كدا كمان

نويت اعرض و اركب جنط سبور 16 او 17
و طبعا استخدمت المعادلة السحرية بتاعة استاذ هشام باهي في معرفة الأطارات المناسبة لعربيتك

و محتار جدا جدا جدا علشان بسمع كلام كتير ان الميشلان الفرنساوي انتاج 2011 مش بنفس كفأة 2005 اللي راكب عندي
و ان البردجستون التايلاندي ميفرقش حاجة عن الياباني و ارخص كمان و توفير
و ان الأطارات الماليزي و التايلاندي و الأندونيسي حلوة و ارخص

اعمل ايه انا بقي .. و اجيب ايه مع العلم ان انا سفري كتير و شغلي هنا في القاهرة في شبرا الخيمة يعني مطبات بقي و حفر في الأرض و بهدلة فبالتالي انا عايز كاوتش حمار شغل و ميقولش اه قبل 60 الف كيلو

و ياريت كمان تقولولي افضل انواع الجنوط اللي مش غالية اوي و في نفس الوقت قوية و تستحمل المطبات و البهدلة

اسف طولت عليكم .. بس احنا اخوات بقي ملناش غير بعض