[فادي مكرم]

هو ممكن بس هتصرف علي العربيه كتير اوووي مش اقل من 10 آلاف جنيه او اكتر كمان علشان ترجعها بالحاله المرجوه موتور 2000 جنيه مثلا سمكره مش اقل من 500 دوكو 2000 جنيه او اكتر للشغل النضيف فرش 1500 اقل واجب جنوط و كاوتش 3500 جنيه شغل عفشه و تضبيط كهربا حوالي 1000 و الله اعلم

اولا حمد الله ع السلامة يا استاذنا

انا فكرت ولاقيت نفسي قدام حاجتين ضرورين
الموتور و سمكرة ودوكو

فرش و جنوط شكلي هأجلهم شوية
من ناحية تغير اللون عادى ؟؟ ولا المرور هيعقد الاجراءات ؟؟

هو طبعا كل حاجة ممكن طالما فى دماغنا اننا نعملها بس المشكلة زى ما استاذ حازم قال هتتكلم كتير وانت بتعمل شغل صح يعنى مينفعش تعكك وتلم .... انا متفق معاك ان الواحد لما بيعمل الشغل ع ايدية بتبقى حاجة تانية وبيكون فرحان فرحة خيالية بعد الشغل يطلع حلو بس انا عاوزك تعد اعدة عرب مع نفسك وتحسبها وتشوف ان الموضوع مستاهل المصاريف دى واية الاحسن انك تبيعها وتجيب جديد فعلا ومهما كان الجديد جديد وراحة بال فعلا مع ان القديم اقيم وامتن بكتير فعلا بس هو دة حال الدنيا بقى فاعد مع نفسك وقيم الموضوع من وجهة نظرك انت واحتيجاتك

استاذ حمادة
العربية لو اتباعت هتجيب 20 23 بالكتير ومش على حالتها دي لازم الشنبر دة يتعمل وتترش و تتسمكر
والمازدا تقيلة ف البيع
وهكون صرفت عليها مثلا 3 الاف 1500 عنرة و 500 سمكرة و1000 دوكو
لو اتباعت ب 23 انا كدة خسران 3 الاف
ومش عارف بصراحة 23 دول يجيبو ايه ومش هنزل من الياباني على لادا ولا فيات
ف العملية معقدة شوية

مثل ما ذكر الاعضاء الكرام ضرورى ان تقوم بعمل دراسة للحالة العامة هل بعد مصروف لن يقل عن 15000 ج حشيشة اصبحت زيرو بلا اعطال اخرى

استاذ محمد دة لو 15000 جنية
يبقى حرام عليا خصوصا اني لسه طالب
ان شاء الله مانعديش ال 6
وكنت عاوز اسألك سؤال
لو رحت المرور افحص ايه الحاجات المميتة اللي ممكن يرجعونى عشانها ؟

وشكرا ليكم كلكم
تحياتي