رد: كل واحد يقول احلي رحلة طلعها في حياته
المشاركة الأصلية كتبت بواسطة Eng/salwa
السلام عليكم و رحمة الله و بركاته جميعا
عليكم السلام ورحمة الله وبركاته
استمتعت جدا بقرائة كل الرحلات الجميلة دى
وانا سعيدة جدا يا هبة انى اسمع صوتك اليوم بالتليفون ثم اقرأ موضوعك الجميل هذا لاتذكر رحلات جميلة
والله انا اللي اسعد ان حضرتك بتردي علي موضوعي دة شئ يشرفني
اولا : طبعا اجمل رحلة فى حياتى على الاطلاق كانت طبعا الحج و كان سنة 1993 و يوم وقفة عرفات كان يوم الجمعة
يارب يعطيعها لكل مشتاق
امين يا رب ويرزقك اياها مرات عديدة وكل المسلمين امين
ثانيا: رحلات المصيف لمرسى مطروح مع زوجى و اولادى ممتعة جدا وانا احب البحر جدا
و اولادى بيعملوا حاجات تهلك من الضحك فى وفى والدهم فى البحر واحلى حاجة بتكون اللمة و الاسرة لاننا بنكون مع اخواتى و ازواجهم و اولادهم جميعا تخيلوا بنكون حوالى 30 فرد
و اولادى بيكونوا فرحانين باللمة و الاهل
و على فكرة عندنا ارض هناك عاوزين نبيعها مساحتها 400 متر قريبة جدا من البحر فى بانوراما عجيبة
ربنا يحسنلك سوقها
ثالثا: على مدار الدراسة اكاد اكون طلعت رحلة واحدة فى الجامعة و كانت سنة 1985 وكنت فى
اعدادى هندسة القاهرة و كان اسبوع خطير فى قرية سياحية فى العريش ملك والد زميلة لنا
و كانت فى الشتاء الله الله على البحر فى الشتاء
واجمل حاجة كانت حفلات السمر اللى كنا نعمل
فيها المسابقات و الاغانى اجمل ايام زماااااااااااااان كانت ايام الدراسة قبل المسئوليات
و كل واحد يشيل مسئولية نفسه
كنا بنخطف السندويتشات من بعض مع ان الاكل كان كثير جدا و تخيلوا الاسبوع بالانتقالات فى
اتوبيسات محترمة جدا كان كااااااااااااااام
تخيلوا كان (15 ج) يا ريت الايام دى ترجع تانى
(ليت الشباب يعود يوما لاخبرة بما فعل الشباب ايضا بى )
و افتكر كان فيه ملاهى فى القرية دى و لعبنا و اتمرجحنا زى الاطفال
دلوقتى لما ذهبت من حوالى سنتين دريم بارك
مع اولادى قلت لهم نفسى اركب معاكم الحاجات دى علشان دى ماكنتش على ايامى ضحكوا علية
و قالولى يا ماما مش للى فى سنك
ولا يهمك انا اروح معاكي واعملك اللي عايزاه وبعدين الشباب يبدا بعد العشرين
انا بصراحة بحب الرحلات جدا و طبعا اهم حاجة
الصحبة ثم
المكان ثم
التكلفة
لازم تيجى لى تزورينى فى اكتوبر يا هبة و بالعند فى اولادى نروح سوا ال دريم بارك
دى الشلالات خطيرة يا هبة و الالعاب كلها هتعجبك جدا
اهو نرجع شوية لايام الطفولة الجميلة اولادى الغلسين مش بيوافقوا انى العب مع ان زوجى الله يبارك له بيقولى اركبى بدونهم و استمتعى بس انا
بتكسف اركب لوحدى و هو ما يقرش يركب الالعاب دى لانها خطر على قلبه
آآآآآآآآآآآآآآآه يا هبة جيتى على موضوع الرحلات ده انا بعزمك اهو قدام مصر موتورز كلها
شكرا على موضوعك الجميل
|
انا اللي والله مش عارفة اقولك اية بعد الكلام الجميل دة
بجد ربنا يعزك ويباركلك يا رب امين
وطبعا عزومتك دي كبيرة اوي اوي عندي واكيد لازم اجي طبعا
بس نتفق بقي عالمكان والزمان من غير ما حد يعرف لاحسن ييجو معانا ويخلصو المراجيح كلها !!!
بس هعرف العب في دريم بارك ؟ مش عارفة !
وبعدين يعني لازم تقوليلي شلالات!
نصيحة لله شوفي حد يشجعك لان شكلي كدة مش هنفع!
__________________
 بسم الله الرحمن الرحيم
وما كان ربك نسيا
صدق الله العظيم
|