عاوز اجنط ومش عارف عاوز رأيكم
السلام عليكم
انا معايا النترا 2011 الشكل القديم وكنت عاوز اجنط العربيه وكما نصحنى الاعضاء المحترمين انى اجبهم واركبهم فى التوكيل سالت عليهم لقيت الجنط ب1800 جنيه يعنى فى الاربعه 7200 غير المصنعيه وكده كتير اوى اوى عليا .
تنصحونى اركب بره التوكيل عندى واحد فى شارع محمد نجيب فى اسكندريه عنده اطارات اشكال والوان هياخد اللى راكبين فى العربيه وادفع فرق.
ولو موافقين على الاقتراح ده اجيب جنوط 16 ولا 17 واركب عليهم الاطارات القديمه ولا اغيرهم من عنده برضه وهدفع فرق .
ولا بلاش كل ده وخلينى فى اللى راكبين فيهم وبلاش اجنط مع العلم انى بسافر كتير اوى القاهره
وفى النهايه اشكركم جميعا
|