[azeweel]

المشاركة الأصلية كتبت بواسطة asom_6 بالرجوع الى دليل المالك للعربية لانوس 2011 موجود طريقة طى الكنبة الخلفية لزيادة مساحة التخزين فى الشنطة وده عن طريق رفع الكلبسات اللى ماسكة الكنبة .... وبما ان اساسا مفيش كلبسات ماسكة الكنبة فى الموديل ده فأنا مش عارف الحقيقة ألم الكنبة دى أزاى ؟؟؟ معروف طبعاً ان كتالوج الشيفرولية لانوس هو نسخة طبق الأصل من كتالوج الدايو لانوس بعد استبدال كلمة دايو بكلمة شيفرولية فى الطباعة وعند مراجعة الكتالوج يتضح بسهولة مقدار الاستخفاف وعدم الدقة فى المراجعة ووجود خواص ملغية زى مفتاح لمبة الشبورة الخلفية وزرار سخان الزجاج الخلفى ووووووو حاجات كتير بصراحة أتلغت من العربية والكتالوج هو هو بدون تغيير. ناس كتير اصحابى وقرايبى كل ما أسأل حد فيهم ازاى الكنبة دى تتلم ازاى ؟؟ ... يشمر درعاتة ويبصى بإستهزاء كده ويقلى وسع يا عم وانا اوريك دول هما كلبسين سهلين أوى --- وهاتك يا تريقة --- وأول ما يوصل عند العربية يهرش فى دماغه ويبص حواليه ويقلى *هما فين الكلبسات اللى ماسكة الكنبة دى ؟؟ *ماهو قدامك مفيش كلبسات اهو *أزاى يعنى مفيش امال الكنبة ايه اللى ماسكها ؟؟ *معرفش امال انا جايبك ليه ومستحمل تريقتك عليا *طب متبص عالكتالوج بتاعها بيقول أيه ؟؟ * بيقول فيه كلبسات *طيب سلامو عليكو الرجاء من حضراتكم المساعدة فى العثور على الكلبسات الخفية بتاعة منصور دى ... او طريقة طى الكنبة بدون كلبسات .........وربنا يهدى خلقه علينا ... وشكراً

سيدى الفاضل لا ولن تطوى أبداً إلا إذا أردت أن تفكها أساساً ففيه مسامير بتتفك