Matars
ههههههه باشا و الله انا بابقى ماشي سلانسيه باحس اني دايس بنزين ... فعلا العربية محتاجة تربيط عفشة شوية و خصوصا في اول الف كيلو لأن العملية بتجيب جاز ... انا عندي حدفة بسيطة يمين على السرعات العالية و الطرق الطويلة ... بافكر اجنط الصراحة بس خايف من موضوع ان فيه جنوط في السوق مضروبة غالية و تاخد مطب نضيف تتقطم ... و خصوصا نوعية مومو ... بس انا شايف الجنط الاصلي بتاعها شغال يدوب كاوتش برديجستون او ميشلان و تبقى زي الفل ... هههههههههه في الآلات و خصوصا العربيات ليا كلمة ... احترمها تحترمك هينها تطلع عينك و عين اللي خلفوك ... عشان كدة كل حاجة كما انزل ... الاصلي تمنه فيه ... بس العربية على فكرة مش غالية ... من ساعة ما جبتها و معظم اللي حواليا اشتروها و خصوصا بعد اما اللانوس بقت ب 71 الف و الفيرنا بقت بتجيب 72 الف و اللوجان نفس الحال ... فكله يقولك لا ادفع 10 كمان و اجيب كوري و نضيفة و محترمة و لا مضروب فيها مفك و لا مفتاح ...بالنسبة للخبطات يا باشا انا من اول نص ساعة للعربية خدت خبطة في اول عمر بن الخطاب (سيتي ستارز ) تاكسي غبي داخل مخالف و قام راجع خد الباب الوراني يمين و حرف الرفرف ... لولا الوالد معايا كنت هاتشقلب على الراجل و كانت عين زي الفل من واحدة قصاد النادي الاهلي و بتركب رانجلر ... و من ساعتها كل خروجتين 3 لازم كحتة في الاكصدام طبعا المرور زي الزفت في شوارع المحروسة و عصبية بقى فلازم ... و البلد و التكاتك نفس الحال ... يوم اما نزلنا البلد بيها كننا داخلين حلبة مصارعة تكاتك هههههههه خبطات لما شبعت ... عاوز اقولك عشان اخلص منهم كلاكس متواصل و ترعيش نور و لمسة بنزين تجري و افصل بدبرياج و اعلي صوت العربية كلهم كنوا زي الفراخ و فتحوا الطريق
تشكر يا باشا على النصائح و منكم دائما نستفيد
