المشاركة الأصلية كتبت بواسطة mohamedmostafa
يجماعه العربيه الحمد الله كويسه جدا جدا جدااااااااااااا
اوتوماتيك 102 الف
جايبها بالتقسيط من بنك المشرق
دفعت 15 ٪ مقدم والباقى على 5 سنين بفايده 7.9
بعد التجربه 350 كيلو
1- مفيش حكه فى المطبات انا كنت مركب 5 معايا غيرى يعنى 6 ومفيش اى حكه ولا اى حاجه
2- العربيه التسارع بتاعها سريع جدا جدا عايزه تجرى
3- التكيف كويس جدا
4- الفرامل كويسه جدا
موضوع الثبات مش متاكد منه اوى بس انا كنت جايب 130 وقافل الازاز ومكنتش حاسس باى حاجه ولا حاسس انى اصلا ماشى على 130
المشكله اللى مضايقنى بقه بس مش عارف ده من ايه
1-اول مبدور بسمع زى صوت حاجه بتفسى او صوت زى نفس كده ورا كده لمده 3 ثوانى بعد كده عادى معرفش ده عادى ولا ايه وبالذات كل اما اجى ادوس على فرامل بحس بالموضوع ده
2- الانذار مره واحده بقه من غير صوت ومش عارف ارجعه صوت تانى
بس العربيه نصيحه لكل اللى عايز يجبها اشترى وانشا الله خير
|
مبروك يا باشا الصوت اللى بتسمعه لما تدور العربيه ده صوت الدوره الكهربائيه للسياره و مافيهوش اى مشكله
