[هانى الاسيوطى]

المشاركة الأصلية كتبت بواسطة mr_astra دى تصبيرة اسمحولى ادخل فى المناقشة دى بس لو سمحتوا عشان خطارى اهدو شوية هو حتى المنتدى فى خناقات .......... الظاهر انها بقت ظاهرة فى كل مكان بالنسبة للاخ السائل انا هاجاوبك على كل حاجة ولو عاوزنى انزل اشتريها معاك والله تحت امرك كلامى نابع من امتلاكى لهذة السيارة المازدا هى احسن سيارة فى الفئة السعرية دى من 20 الى 25 الف المازدا عموما يابانى ما فيش منها كورى لان سنة فى التمانينيات ما كانتش كوريا بتعمل عربيات اساسا الا العربية الهيونداى بونى كانت يابانى كورى مشترك وطبعا المحركات والات الجر وخلافة كولة يابانى موديلات المازدا فعلا 80 ،81 ، 82 ، 83 واكتر موديل موجود 83 معرفش لية يمكن عشان السنة دى نزلت عربيات للجيش كتير منها .....الله اعلم المزادا زى ما قلنا هى افضل سيارة فى رنج المبلغ المرصود للشراء ( وجهه نظرى ) العربية دى موتور رخيص جدا جدا جدا اى حاجة ميكانيكية فيها رخيصة قطع غيار ببلاش فعلا اما الاكسسوارات الخارجية غالية بعض الشىء العربية دى لو فعلا سليمة تحس انك راكب عربية حديثة اتزان كويس جدا جدا جدا على الطرق السريعة مريحة فى السفر الى حد كبير اسرية لان صالونها بامنة انا بعتبرة اد صالون ال504 كانت معايا فى نفس الوقت اللى معايا فية اكسل وصدقنى اما كنا بنخرج ومعايا ناس كتير كنت باخد المازدا مش الاكسل يا سلام بقى لو ربنا كرمك بعربية 1500 سي سي خمسة غيار ياااااااااااة العربية دى سافرت بيها سينا والغردقة وكل حتة عمرها ما قالتلى بتعمل اية !!!!!!1 يابانى بقى بالنسبة للتكييف انا مجربتهوش بصراحة لان عربيتى كانت من غير بس ساعات بشوف على كونتاكت ناس عارضة مكتوب فيها تكييف انما اية حالتة الله اعلم ملخص الكلام العربية كويسة جدا ومحترمى اوى وشكلها انا بعتبرة سابق لزمنها عيبها غلو اجزاء العفشة الى حد ما تصدق مش لاقى عيوب تانى بعد تفكير اكثر من دقيقة اة والله اتكل على الله ودور على حاجة كويسة وادامك سوق الجمعة لان دة ترمومتر السوق وبتشترى من هناك ارخص من اى حتة تانى لانى كنت ساعات بقابل ناس من اسوان جاية تبيع فى السوق اى اى سؤال تانى تحت امرك وربنا يكرمك

أخـى الكريـم الفاضـل [ mr_astra]


أولا ً شرفتنى وذدت من قدرى بشرف تواجدك الكريم الطيب

وبالفعل أخوى أنا كنت متواجد بالموضوع اللى حضرتك كنت فيه وكنت

اشاهد المشادات بين ردود الأخوه الأعضاء .

وبصراحة كم أعجبنى دخولك وتهدئة الأمر بينهما وحديثك لهم وتوضيحك الكافى

وكنت اشاهد عن قرب دون المشاركه لأنى حديث عهدى فى السيارات

أخى الفاضل اشكرك من أعماق قلبى على اهتمامك وتواجدك بموضوعى

واتمنى من سماحة شخصك الكريم إذا كانت هناك أى معلومات تانى كل ما

هو يخص ماذدا 323 مو 81 أو 82 أتمنى منك ان تنقله لى بهذا الموضوع

وأنا كنت عايز أعرف رأيك أنت الشخصى وسيبك منى أنا نهائى

أعتمد على الله واشترى ماذدا 323 أم فيات 131

كى استفيد من حضرتك قبل الشراء وربنا يقدرنا على الدعاء لك فى ظهر الغيب

أخوك / هانى الاسيوطى