مع شخصية زي القذافي ..
الموضوع ما كنش هيتحل الا بقتله او بموته منتحرا ..
اما بالنسبة للثورة .. فميش دخان من غير نار ..
الثورة ممكن تكون بتبدأ بمجموعة من العملاء و المنتفعين اللي بيستغلوا مجموعة من المثقفين و الوطنيين و يعملوا شرارة الثورة ..
بس اللي بيولعها هو الشعب ..
و لو الشعب ده مكانش مظلوم و مضايق ايه اللي هيخليه يطلع من بيته و هو شايل كفنه على ايديه ..
الظلم ,,, و القهر ,,, و التميييز ,, و حاجات كتير
اما بالنسبة لموضوع ليبي يرفع سلاحه في وش ليبي فدي مضايقاني اوي ..
كان نفسي تبقى ليبي يرفع سلاحه في وش ليبي و وش مصري و وش تونسي ..
الدم اللي بيسيح في ليبيا ..هو هو نفس الدم اللي ساح في تونس .. و اللي ساح في مصر ..و اللي بيسيح في سوريا دلوقتي و اليمن و الجزاير و البحرين ...
و لو نمد ايدينا .. و نساعد بعضنا ..
و هنحاول ..
و انا حاسس اننا هنحاول ..
اكيد هنحاول نساعد اخوانا الليبين في اعادة بناء بلدهم ..
و القضاء على القذاذفة و فلول القذافي ..
زي ما احنا بنحاول نعمل هنا في مصر ..
اللي يخاف من حاجة .. يتحرك و يحاول يمنعها ..
و كل واحد يحاول على اد ما يقدر في مجاله ..
و ربنا يوفقنا جميعا ..
