[mimoneo]

شوفوا بقى يا جماعة والله الناس العرب يناشدون أو الاوروبيون يتطلعون أو يرغبون الامريكان فى عدم المحاكمة فلكل واحد يقول اللى هو عايزة. لكن دى بلدنا احنا نقول اللى احنا عيزينه.
انا رايى انه فى مقابل هذا التصريح المزمع فممكن انه يحكم عليه حكم ما دون الاعدام. وإذا لا قدر الله وأخذ براءة فيأخذ معاش ذى معاشات الناس اللى كانت بتقبض معاش 220 جنية ويعيش منهم هو وزجته واولادة مثله مثل الناس المصريين اللى كانوا عايشين بهذا المبلغ ولا تنسوا أنه اخترع المبدأ (يعنى هو كان عارف ان فى راجل عجوز على المعاش ويعيش مع زوجته بعد أن اعطى اجمل ما يملك العمر والصحة) هو اخترع مبدأ ان فى بنى ادم يقدر يعيش بالمبلغ دة ولذلك عليه ان يعيش هو بهذا المبلغ إذا لا قدر الله خرج زى الشعر من العجين وبقدرة قادر. واعتقد ان هذا هو قمة العدل انه يعامل بالمبادئ التى اخترعها هو.
ولعل الخبر المزمع يكون (مزقوق) مدسوس علشان يعرفوا ردة فعل الناس قبل ما يطلعوا القرار وطبعا هم اساتذة فى هذا النظام.
وإذا كان مستعد يرجع اللى سرقه هو واسرته فإنه يجب ان يحزر عليه هو واسرته (زوجته واولادة واحفادة) ان ينتفعوا بأى اموال قد يستجد اكتشافها فى الداخل او الخارج وألا ينتفعوا بأى أموال تحول لهم من الخارج وألا يسمح لهم بالسفر خارج البلاد (علشان التلاعب يعنى).
ودة رأيى واللى مختلف فى الرأى يتفضل ووبأدب واحترام ويقول رأيه.